ចូលចិត្តប្រលែងលេង ឬនៅក្បែរសត្វឆ្មា ធ្វើឱ្យកើតហឺត?

២ ខែមុន

ខែមិថុនា ១៩, ២០១៩ សម្រស់ជីវិត

យើងតែងឮការនិយាយតៗគ្នាមកថា ការដែលយើងចូលចិត្តប្រលែងលេង ឬនៅក្បែរសត្វឆ្មាញឹកញាប់ ធ្វើឱ្យកើតជំងឺហឺតបាន ដោយរោមតូចៗរបស់ឆ្មាដែលជ្រុះ ជ្រៀតចូលតាមរយៈផ្លូវដង្ហើមយើង។ តើរោមឆ្មា និងពពួករោមសត្វផ្សេងទៀត ពិតជាអាចបង្កឱ្យកើតជំងឺហឺតមែន ឬយ៉ាងណា?

ហឺតជាជំងឺម្យ៉ាងដែលកើតមានលើមនុស្សទាំងចាស់ទាំងក្មេង ធ្វើឱ្យតូចចង្អៀត និងរលាកផ្លូវដង្ហើម ពិបាកដកដង្ហើម ហត់ដង្ហក់ ក្អក ឈឺទ្រូង ។ រោមសត្វគ្រប់ប្រភេទ ពិសេសរោមសត្វឆ្មាដែលយើងចិញ្ចឹម និងរស់នៅក្នុងផ្ទះជាមួយរាល់ថ្ងៃ ក៏ជាមូលហេតុមួយក្នុងចំណោមមូលហេតុជាច្រើនទៀតដែលជំរុញឱ្យកើតជំងឺហឺតដែរ នេះបើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។

១-មូលហេតុបណ្តាលឱ្យកើតហឺត

តំណពូជ
ធ្វើការហត់ខ្លាំងពេក
មេរោគនៅតាមផ្លូវដង្ហើម
ស្រូបផ្សែងបារី ឬផ្សែងពុលផ្សេងៗ
ស្រូបធូលី រោមសត្វ ឬលម្អងផ្កា
អាលែកហ្ស៊ីអាហារ ឬថ្នាំពេទ្យមួយចំនួន
អារម្មណ៍រំជើបរំជួលខ្លាំង ឬតានតឹងខ្លាំង
អាកាសធាតុប្រែប្រួលពីក្តៅទៅត្រជាក់។

២- រោគសញ្ញានៃជំងឺហឺត៖ ហឺតជាជំងឺរលាកផ្លូវដង្ហើមរ៉ាំរ៉ៃ និងឆាប់មានប្រតិកម្មជាមួយបរិស្ថាន ចំណីអាហារ អាកាសធាតុជាដើម ដូច្នេះហើយយើងត្រូវចាំបាច់ដឹងពីរោគសញ្ញាមួយចំនួនជាមុន ហើយក្នុងករណីដែលធ្ងន់ធ្ងរត្រូវប្រញាប់ទៅជួបគ្រូពេទ្យ។