រញ្ជួយដីនៅបាលី បណ្ដាលឱ្យខូចខាតខ្លោងទ្វារដ៏ល្បី នៅព្រឹកនេះ(មានវីដេអូ)

ឥណ្ឌូណេស៊ី៖ រញ្ជួយដី កម្រិត ៦រ៉ិចទ័រ បានកើតឡើងនៅកោះទេសចរណ៍ដ៏សំខាន់របស់ប្រទេសឥណ្ឌូណេស៊ី បាលី នៅព្រឹកថ្ងៃអង្គារ ទី១៦ ខែកក្កដា ឆ្នាំ២០១៩ បណ្ដាលឱ្យខូចខាតខ្លោងទ្វារបុរាណ ដ៏ល្បីមួយ នៅតំបន់ Nusa Dua ។ មិនមានសេចក្ដីរាយការណ៍ពីការអាចកើតមាន នៃរលកយក្សស៊ូណាមិ នោះទេ។

អាជ្ញាធរឥណ្ឌូណេស៊ី បានឱ្យដឹងថា រញ្ជួយដី បានកើតឡើងនៅម៉ោងប្រហែល ៨:១៨ នាទីព្រឹក ថ្ងៃទី១៦កក្កដា នៅភាគនិរតី តំបន់ Nusa Dua ដែលជាកន្លែងទេសចរណ៍ដ៏ធំមួយ។ អានុភាពរបស់វា បានប៉ះពាល់ដល់កោះបាលី ផងដែរ។ យ៉ាងណាមិញ មនុស្ស ៥នាក់បានរងរបួសស្រាល។

ខ្លោងទ្វារមួយដែលអ្នកទេសចរ និយមទៅថតរូបនៅទីនោះ បានរងការខូចខាត។ ចំណែក សាលារៀនមួយ បានបាក់ធ្លាក់ដំបូលក្បឿង នៅ Ungasan លើកោះបាលី៕

សូមទស្សនាវីដេអូ៖

ប្រភព៖ Jakarta Post

ប្រែសម្រួល៖ ចាន់ សោភ័ណ្ឌលាភ