Connect with us

អភិបាលខេត្តប៉ៃលិន នឹងផ្ដល់ម៉ូតូ និង Laptop ដល់សិស្សទី១២ ដែលបាននិទ្ទេស A

អភិបាលខេត្តប៉ៃលិន នឹងមានរង្វាន់លើកទឹកចិត្តដល់សិស្សនិទ្ទេស A

ប៉ៃលិន៖ លោក ផាន់ ចាន់ធុល អភិបាលខេត្តប៉ៃលិន បានប្រកាសផ្តល់ម៉ូតូ ១គ្រឿង និងកុំព្យូទ័រយួរដៃ (Laptop) ១គ្រឿង ដែលជារង្វាន់លើកទឹកចិត្ត ដល់សិស្សដែលអាចប្រឡងដណ្តើមយកបាននិទ្ទេស A សញ្ញាបត្រមធ្យមសិក្សាទុតិយភូមិ នៅក្នុងឆ្នាំ២០១៩នេះ។ ការប្រកាសបែបនេះ ធ្វើឡើងក្នុងពិធីសំណេះសំណាលជាមួយសិស្សានុសិស្ស ដែលត្រៀមប្រឡង កាលពីថ្ងៃទី១១ ខែសីហា ឆ្នាំ២០១៩។

ការប្រឡងសញ្ញាបត្រមធ្យមសិក្សាទុតិយភូមិ គឺប្រព្រឹត្តទៅនៅថ្ងៃទី១៩ ខែសីហា ឆ្នាំ២០១៩ខាងមុខនេះ ដោយខេត្តប៉ៃលិន មានបេក្ខជនចូលរួមប្រឡង សរុបចំនួន ៤៩៥នាក់ ស្រី ២៥៤នាក់ ចែកជា ២មណ្ឌល មានមណ្ឌលវិទ្យាសាស្ត្រសង្គម មាន ១០បន្ទប់ និងមណ្ឌលវិទ្យាសាស្ត្រ មាន១១បន្ទប់ ដែលទីកន្លែងប្រឡងនៅវិទ្យាល័យ ហ៊ុន សែន ក្រុងទេពនិម្មិត្តប៉ៃលិន៕

អត្ថបទ៖ ចាន់ សោភ័ណ្ឌលាភ

Loading...

ពេញនិយម

© 2018 រក្សាសិទ្ធិគ្រប់យ៉ាង​ដោយ Cambodian Broadcasting Service Co., Ltd.