Connect with us

ភ្លើងឆេះព្រៃនៅកោះស៊ូម៉ាត្រាថ្ងៃមុន បង្កជាផ្សែងពុល អុកឡុកឥណ្ឌូណេស៊ី ហើយរាលដាលដល់ម៉ាឡេស៊ី និងសិង្ហបុរី

ភ្លើងឆេះព្រៃនៅកោះស៊ូម៉ាត្រាថ្ងៃមុន បង្កជាផ្សែងពុល អុកឡុកឥណ្ឌូណេស៊ី ហើយរាលដាលដល់ម៉ាឡេស៊ី និងសិង្ហបុរី

ភ្លើងឆេះព្រៃ បង្កជាផ្សែងពុល បានសាយភាយលើដែនអាកាសឥណ្ឌូណេស៊ីខ្លួនឯង និងបន្តសាយភាពដល់ ម៉ាឡេស៊ី ប្រមាណ ១សប្ដាហ៍មកហើយ និងចុងក្រោយនេះ បានប៉ះពាល់ដល់គុណភាពខ្យល់ក្នុងប្រទេសសិង្ហបុរីទៀត។

ផ្សែងពុលនេះ ត្រូវម៉ាឡេស៊ីអះអាងថា សាយភាយមកពីភ្លើងឆេះព្រៃ នៅកោះស៊ូម៉ាត្រា របស់ប្រទេសឥណ្ឌូណេស៊ី ប៉ុន្ដែខាងអាជ្ញាធរឥណ្ឌូណេស៊ី បានបដិសេធ ដោយលើកឡើងថា តំបន់ដែលមានភ្លើងឆេះព្រៃ (Hotspots) មានរាប់ពាន់ទីតាំង ទាំងនៅក្នុងឥណ្ឌូណេស៊ី ទាំងម៉ាឡេស៊ី។ និយាយពីផលប៉ះពាល់វិញ នៅថ្ងៃ១១ ខែកញ្ញា សប្ដាហ៍នេះ អាជ្ញាធរម៉ាឡេស៊ី បានបិទសាលារៀន ចំនួន ៤០៩ទីតាំង និងបញ្ជូនម៉ាស់ ៥០ម៉ឺន ទៅឱ្យពលរដ្ឋ នៅរដ្ឋ Sarawak។

ឈានដល់ថ្ងៃទី១២ ខែកញ្ញា ម្សិលមិញ សាលារៀនទាំងអស់ នៅរដ្ឋ Selangor ត្រូវបិទទ្វារ ក្រោយទទួលការបញ្ជាក់ពីក្រសួងបរិស្ថានថា កម្រិតខ្យល់ពុល បានកើនលើស ២០០។ កម្រិតខ្យល់មានគុណភាពល្អ គឺពី ០-៥០។ ចំណែកទីភ្នាក់ងារជាតិបរិស្ថានសិង្ហបុរី កាលពីថ្ងៃ១២ ខែកញ្ញា ម្សិលមិញ ក៏បញ្ជាក់ដែរថា គុណភាពខ្យល់នៅសិង្ហបុរី អាចឈានដល់កម្រិតគ្រោះថ្នាក់ បើសិនខ្យល់ បន្ដបោកបក់ផ្សែងពីការឆេះព្រៃនៅកោះស៊ូម៉ាត្រា ចូលទៅដែនអាកាសសិង្ហបុរីបន្ថែមទៀត។ ម្សិលមិញ កម្រិតគុណភាពខ្យល់នៅសិង្ហបុរី បានកើនឡើង ដល់ចន្លោះ ៧៨-៨៧។ ទីភ្នាក់ងារដដែល បញ្ជាក់ថា មានតំបន់ភ្លើងឆេះព្រៃ ២២២ទីតាំង នៅកោះស៊ូម៉ាត្រា។

ទីភ្នាក់ងារជាតិបរិស្ថានសិង្ហបុរី បានណែនាំពលរដ្ឋ ឱ្យកាត់បន្ថយការចេញទៅខាងក្រៅ ជាពិសេសចំពោះមនុស្សចាស់ ស្ត្រីពពោះ និងកុមារ។ អ្នកដែលមានជំងឺសួត និងបេះដូង ចាំបាច់ត្រូវចៀសវាង៕

ប្រភព៖ Hellokrupet

  • អត្ថបទទាក់ទង :
  • Featured
Loading...

ពេញនិយម

© 2018 រក្សាសិទ្ធិគ្រប់យ៉ាង​ដោយ Cambodian Broadcasting Service Co., Ltd.