Connect with us

ថៃ ផ្ដល់រង្វាន់ជាលុយដល់រាល់អ្នកជិះកង់បី តាក់ស៊ី ដែលរាយការណ៍ពីការបើកបរល្មើសច្បាប់

ថៃធ្វើបាន ចុះកម្ពុជា?

ថៃ៖ ចាប់ពីសប្ដាហ៍ក្រោយតទៅ នាយកដ្ឋានដឹកជញ្ជូនផ្លូវគោក នៃប្រទេសថៃ នឹងធ្វើការទទួលសេចក្ដីរាយការណ៍ពីសំណាក់អ្នកជិះកង់បី រថយន្តតាក់ស៊ី រថយន្តក្រុង ម៉ូតូឌុប និងមធ្យោបាយធ្វើដំណើរផ្សេងៗ ពាក់ព័ន្ធនឹងការបើកបររំលោភបំពានច្បាប់ចរាចរណ៍ដោយអ្នកបើកបរ។

ចាប់ពីថ្ងៃទី៩ ខែធ្នូ ឆ្នាំ២០១៩ ខាងមុខនេះ អ្នកជិះទាំងអស់ នឹងទទួលបានប្រាក់រង្វាន់លើកទឹកចិត្តសម្រាប់ការរាយការណ៍នូវការបើកបរល្មើសច្បាប់របស់ម្ចាស់កង់បី តាក់ស៊ី ឡានក្រុង នូវទឹកប្រាក់ស្មើនឹងពាក់កណ្ដាលនៃទឹកប្រាក់ដែលត្រូវបានពិន័យ។

រដ្ឋមន្ត្រីដឹកជញ្ជូនថៃ Saksayam Chidchob បានថ្លែងថា វិធានការនេះ មិនមែនរាជរដ្ឋាភិបាល ចង់ដំឡើងថ្លៃពិន័យចំពោះអ្នកបើកបរល្មើសច្បាប់ឡើយ។ វាគឺជាការជំរុញឱ្យគោរពច្បាប់កាន់តែល្អប្រសើរក្នុងប្រទេសថៃ។ អ្នកជិះ អាចរាយការណ៍ ដោយត្រូវមានរូបថត វីដេអូ ឬ ភស្តុតាងផ្សេងៗ តាមដែលអាចធ្វើទៅបាន ចំពោះការបើកបរល្មើសច្បាប់ រួចបញ្ជូនទៅក្នុងវេបសាយរបស់នាយកដ្ឋានដឹកជញ្ជូនថៃ Facebook Page ឬ ក៏ខ្សែទូរសព្ទ Hotline ។

សូមជម្រាបថា ការពិន័យចំពោះការបើកបរល្មើសច្បាប់ចរាចរណ៍ផ្លូវគោក នៅក្នុងប្រទេសថៃ នឹងត្រូវពិន័យជាប្រាក់ចាប់ពី ២០០បាត (៧ដុល្លារអាមេរិក) ដល់ ២៥០០០បាត (៨២៦ដុល្លារអាមេរិក)៕

ប្រភព៖ Coconuts

ប្រែសម្រួល៖ ចាន់ សោភ័ណ្ឌលាភ

  • អត្ថបទទាក់ទង :
  • Featured
Loading...

ពេញនិយម

© 2018 រក្សាសិទ្ធិគ្រប់យ៉ាង​ដោយ Cambodian Broadcasting Service Co., Ltd.