Connect with us

អាជ្ញាធរខេត្តព្រះសីហនុ រៀបចំសមយុទ្ឋជួយសង្រ្គោះករណីធ្លាក់យន្តហោះ

ខេត្តព្រះសីហនុ÷ សមយុទ្ធជួយសង្គ្រោះករណីធ្លាក់យន្តហោះ ត្រូវបានរៀបចំឡើងនាព្រឹកថ្ងៃទី៣០ខែវិច្ឆិកាឆ្នាំ២០១៨នេះ នៅក្បែរអាកាសយាន្តដ្ឋានខេត្តព្រះសីហនុ។

ការធ្វើ​លំ​ហាត់​សមយុទ្ធ​នេះ មាន​ការដុត​ប្រេង និង​កង់ឡាន​ចាស់ៗ បង្កើតជា​អណ្ដាតភ្លើង និង​ផ្សែង​សិប្បនិម្មិត ព្រមទាំងមានអ្នករបួសនៃការធ្លាក់​យន្តហោះ ដែលជា​ប្រធានបទ ​នៃ​លំ​ហាត់​សមយុទ្ធ​ឆ្នាំនេះ​។

មន្រ្តីអាកាសយាន្តដ្ឋានខេត្តព្រះសីហនុ បានឲ្យដឹងថា គោលបំណងនៃការធ្វើសមយុទ្ឋនេះ គឺដើម្បីវាយតម្លៃពីសមត្ថភាពប្រតិបត្តិការនៃផែនការគ្រប់គ្រងគ្រោះអាសន្នរបស់អាកាសយាន្តដ្ឋានអំពីការអន្តរាគមន៍ឆ្លើយតបក្នុងពេលវេលាពិតប្រាកដមួយ និងការវាយតម្លៃពីដំណើការសង្រ្គោះទូរទៅ។

ពិធីសមយុទ្ឋនេះ បានធ្វើឡើងក្រោមវត្តមានថ្នាក់ដឹកនាំសំខាន់ៗ និងមានការចូលរួមពីកងកម្លាំង នៅតាមក្រសួង ស្ថាប័នពាក់ព័ន្ធ និងអាជ្ញាធរមូលដ្ឋានជាច្រើននាក់ផងដែរ។

សូមបញ្ជាក់ថា លំហាត់សមយុទ្ឋនេះ បានរៀបចំការសង្រ្គោះដូចជា៖

  • ទីបញ្ជាការហោះហើរ ផ្ដល់ព័ត៌មានឲ្យក្រុមសង្គ្រោះ និងពន្លត់អគ្គិភ័យប្រកាសអាសន្ន។ ក្រុមសង្គ្រោះ ​និងពន្លត់​អគ្គិភ័យ​​ត្រៀមបម្រុង
  • ទីបញ្ជាការហោះហើរចាប់ផ្ដើមប្រកាសអាសន្ន តាមនីតិវិធី
  • យន្តហោះបានធ្លាក់នៅផ្លូវម្ខាង ពីអាកាសយានដ្ឋាន
  • ទីបញ្ជាការហោះហើរ បានផ្ដល់ព័ត៌មាន ប្រកាសអាសន្នកម្រិត៣ ដល់ក្រុមសង្គ្រោះ និងពន្លត់អគ្គិភ័យ(យន្តហោះធ្លាក់) បន្ទាប់អ្នកពាក់ព័ន្ឋប្រញាប់ទៅកន្លែងកើតហេតុដើម្បីសង្រ្គោះ និងហ៊ុព័ទ្ឋ ដើម្បីស្រាវជ្រាវជាដើម៕

  • អត្ថបទទាក់ទង :
  • Featured
Loading...

ពេញនិយម