Connect with us

បែលហ្ស៊ីក អាចនឹងផ្លាស់ប្ដូរសមាសភាព១០នាក់ពេលប៉ះអង់គ្លេស

ក្រុមបាល់ទាត់ជម្រើសជាតិបែលហ្ស៊ីកអាចនឹងផ្លាស់ប្ដូរសមាសភាពដល់ទៅ១០នាក់សម្រាប់ការប្រកួតចុងក្រោយប្រចាំពូល G ជាមួយអង់គ្លេស ដើម្បីរក្សាគុណភាពកីឡាករសម្រាប់វគ្គ១៦ក្រុមចុងក្រោយ។ នេះបើតាមការបង្ហើបឲ្យដឹងពីគ្រូបង្គោលរ៉ូបឺតូ ម៉ាទីនេស (Roberto Martinez)។

ក្រុមលោក ម៉ាទីនេស (Martinez) មានកីឡាករម្នាក់បានកាតលឿងរួចស្រេច ខណៈ អ៊ីដិន ហាសាដ (Eden Hazard) និង Romelu Lukaku ទំនងមានការព្រួយបារម្ភជុំវិញបញ្ហារបួស។ គ្រូបង្គោលជនជាតិអេស្ប៉ាញ ឲ្យដឹងថា កីឡាករពុំទាន់ចូលលេងអាចនឹងមានមុខច្រើនលើទីលានសម្រាប់ការប្រកួតនៅថ្ងៃព្រហស្បតិ៍។

លោក Martinez បញ្ជាក់បែបនេះ ៖ “ប្រសិនបើខ្ញុំនិយាយទៅកាន់កីឡាករទាំងអស់ ខ្ញុំគិតថា អ្នករាល់គ្នាពិតជាសមមានឱកាសលេងនៅ World Cup។ ដូច្នេះ វាពិតជាសំខាន់ខ្លាំងដែលត្រូវបែងចែកឱកាសដល់កីឡាករគ្រប់រូប ថាតើពួកគេអាចធ្វើបានល្អប៉ុនណា។ គ្មាននរណាម្នាក់អាចធានាកៅអីរបស់គេឲ្យជាក់លាក់ទេនាពេលនេះ”។

  • អត្ថបទទាក់ទង :
  • Featured
Loading...

ពេញនិយម