Jamie Carragher ថាឲ្យ Neymar និង PSG ខ្លាំងៗតែម្ដង ក្រោយ Liverpool ចាញ់ការ

ប្រកួត អង់គ្លេស៖ បន្ទាប់ពីក្រុមហង្សក្រហម Liverpool ត្រូវបានផ្តួលដោយ Paris Saint-Germain ក្នុងក្របខ័ណ្ឌ Champions League កាលពីថ្ងៃពុធកន្លងទៅនេះ អតីតកីឡាកររបស់ក្រុមហង្សក្រហម លោក Jamie Carragher បានថាឲ្យ Neymar និង PSG ខ្លាំងៗ តែម្ដង។ នេះមិនមែនជាលើកទី១ ទេដែល Neymar បានដេកដួលរមួលនៅលើទីលាន រំកិលចុះរំកិលឡើងដើម្បីទាមទារការពិន័យបានធ្វើឲ្យ Jamie Carragher យល់ថា យុទ្ធសាស្រ្តរបស់ក្រុម Paris Saint-Germain ពេលលេងជាមួយនឹង Liverpool ធ្វើឲ្យកីឡាករមានភាពអាម៉ាស់មុខចំពោះក្រុមគ្រួសាររបស់ពួកគេ។

Carragher បាននិយាយទៅកាន់ Viasport ថា វាពិតជាគួរឲ្យខឹងណាស់។ Neymar ពិតជាកីឡាករគួរឲ្យអាម៉ាស់ណាស់ ហើយប្រសិនបើគេបន្តធ្វើដូចនេះពេញមួយអាជីព រូបគេនឹងត្រូវបានអ្នកគាំទ្រចងចាំសម្រាប់រឿងប៉ិនធ្វើពុតជំនួសឲ្យការធ្វើជាកីឡាករដ៏អស្ចារ្យ ។ PSG គឺជាក្រុមដ៏អស្ចារ្យជាមួយនឹងកីឡាករដ៏អស្ចារ្យមួយចំនួន ហើយមិនចាំបាច់ប្រើវិធីសាស្ត្រទាំងនេះទេ។ មិនដឹងថា ពួកគេត្រលប់មកផ្ទះវិញហើយនិយាយជាមួយគ្រួសារ និងភរិយារបស់ពួកគេយ៉ាងណានោះទេ៕

ប្រភព៖ TrollKhmer