ម្ចាស់ពាន World Cup 2014 បក្សីស្លាបដែក អាល្លឺម៉ង់ ធ្លាក់ត្រឹមវគ្គចែកពូលក្រោយចាញ់កូរ៉េខាងត្បូង២ទល់នឹង០

កាលពីយប់មិញ ក្រុមបាល់ទាត់ជម្រើសជាតិអាល្លឺម៉ង់ បានធ្លាក់ត្រឹមវគ្គចែកពូល ក្នុងព្រឹត្តិការណ៍ FIFA World Cup 2018 ក្រោយចាញ់កូរ៉េខាងត្បូង ២ទល់នឹង០ យ៉ាងគួរឲ្យភ្ញាក់ផ្អើលនៅចុងម៉ោងកាលពីម្សិលមិញ។

ក្នុងជំនួបនៅទីលាន Kazan Arena ក្រុមរហស្សនាមឥន្ទ្រីដែក បានព្យាយាមវាយសម្រុកនឹងស៊ុតសំដៅទៅលើទីជាច្រើនលើកច្រើនសារ តែមិនអាចស៊ុតបញ្ចូលទីបាន តែនៅនាទី៩០បូក៣ ទើប យ៉ុង ក្វនគីម (Yong Gwon kim) ទាត់ចូល និង បូករួមគ្រាប់ពីហុងមីនសុន (Heung min son) នៅនាទី៩០បូក៥។ ដូច្នេះ ស៊ុយអែត និង ម៉ិកស៊ីកូ ឡើងទៅកាន់វគ្គ១៦ក្រុមចុងក្រោយ ដោយមាន៦ពិន្ទុស្មើគ្នា ខណៈអាល្លឺម៉ង់ មានត្រឹម៣ពិន្ទុ លើកូរ៉េខាងត្បូងមួយពិន្ទុ៕