សភាពាណិជ្ជកម្មកម្ពុជា និង​ នេប៉ាល់​ ឯកភាពគ្នាពង្រឹងកិច្ចសហការជំរុញការវិនិយោគនៅប្រទេសទាំងពីរ

នេប៉ាល់÷ ប្រតិភូសភាពាណិជ្ជកម្មកម្ពុជា ដឹកនាំដោយ​លោក​ឧកញ៉ា​ លឹម​ ហេង​ អនុប្រធានសភាពាណិជ្ជកម្ម តំណាងអ្នកឧកញ៉ា គិត​ ម៉េង​ នៅថ្ងៃនេះ បានជួបប្រជុំជាមួយលោកស្រី​Bhawani Rana ប្រធានសហព័ន្ធសភាពាណិជ្ជកម្ម និងឧស្សាហកម្មនេប៉ាល់ និង​ សមាជិក សមាជិការបស់សហព័ន្ធ។

បើតាមលោកឧកញ៉ា លឹម​ ហេង គោលបំណងនៃជំនួបនេះ​ គឺ ពិក្សាអំពីឱកាសនៃការចាប់ដៃគូវិនិយោគ រវាងប្រទេសកម្ពុជា និងប្រទេសនេប៉ាល់ និង បង្ហាញអំពីសក្តានុពលសេដ្ឋកិច្ចរបស់ប្រទេសទាំងពីរ។

ជំនួបនេះបានបញ្ជប់ជាមួយលទ្ធផលផ្លែផ្កាយ៉ាងល្អប្រសើរ ដោយភាគីខាងនេប៉ាល់​ អះអាងថា នឹងមកស្វែងរកការវិនិយោគលើវារីអគ្គិសនីខ្នាតធំ និងតូចៗនៅឃុំស្រុកតាមជនបទក្នុងប្រទេសកម្ពុជា​ ។

សូមបញ្ជាក់ថា ប្រតិភូសភាពាណិជ្ជកម្មកម្ពុជា​ បានកំពុងអមដំណើរទស្សន:កិច្ចការងារជាមួយប្រមុខនៃរាជរដ្ឋាភិបាលកម្ពុជា សម្តេចតេជោ ហ៊ុន​ សែន​ នៅប្រទេសនេប៉ាល់ ពីថ្ងៃទី30 វិច្ឆិកា​ ដល់ថ្ងៃទី 2 ខែធ្នូ​ ឆ្នាំ2018​៕