Connect with us

គ្រូអាហ្សង់ទីនថា ការចាញ់ជារឿងឈឺចាប់ តែខ្លួនមិនលាលែងពីតំណែងទេ

FIFA World Cup 2018 មិនគាប់ប្រសើរឡើយសម្រាប់អាហ្សង់ទីន ដោយក្រុមលោក Jorge Sampaoli វិះតែធ្លាក់ត្រឹមវគ្គចែកពូល មុនពេលចាញ់ បារាំង ក្នុងវគ្គ១៦ក្រុមចុងក្រោយកាលពីថ្ងៃទី៣០ខែមិថុនា។

ទោះបែបនេះថែមទាំងមានវិបត្តិនៅក្រៅទីលានផងក្ដី លោក Sampaoli អះអាងថាលោកមិនពិចារណាអំពីអនាគតរបស់ខ្លួនឡើយ។ អតីតគ្រូបង្វឹកឈីលីឈ្នះពាន Copa America 2015 និងជាអតីតគ្រូក្លិប Sevilla និយាយថា៖ “វាឈឺចាប់ណាស់ដែលធ្លាក់ ប៉ុន្តែសម្រាប់ខ្ញុំ ការពិតគឺថាខ្ញុំនៅទីនេះមិនធ្វើឱ្យខ្ញុំវាយតម្លៃរឿងនោះឡើយ។

នេះជាភាពស្រងាកចិត្តមួយ មិនមែនជាបរាជ័យទេ។ ការលេងរបស់ពួកយើងមិនខុសគ្នាខ្លាំងទេ”។ ដោយឡែក លោក Sampaoli ក៏បានច្រានចោលការលើកឡើងថាបញ្ហាក្នុងក្រុមអាហ្សង់ទីនគឺដោយសារកីឡាករមានឥទ្ធិពលលើគ្រូបង្វឹកក្នុងការសម្រេចចិត្ត។ លោក Sampaoli បញ្ជាក់ថាគឺគ្រូបង្វឹកជាអ្នកគ្រប់គ្រងក្រុម។ លោកថ្លែងអំណរគុណយ៉ាងខ្លាំងចំពោះកីឡាករដែលខិតខំប្រឹងប្រែង និងសហព័ន្ធកីឡាបាល់ទាត់អាហ្សង់ទីនដែលបានផ្ដល់គ្រប់យ៉ាងដល់ក្រុម៕

  • អត្ថបទទាក់ទង :
  • Featured
Loading...

ពេញនិយម