តារាសម្តែង Bollywood របស់ឥណ្ឌា រៀបអាពាណ៍ពិពាហ៍ជាមួយ សមាជិកក្រុមតន្រ្តីដ៏ល្បីរបស់អាមេរិក

អ្នកនាង Priyanka Chopra តារាខ្សែភាពយន្តខ្នាតធំរបស់ប្រទេសឥណ្ឌាដ៏កំពូល និង លោក Nick Jonas ដែលជាសមាជិកក្រុមតន្រ្តីរ៉ុករបស់អាមេរិកដ៏ល្បីបានប្រារព្ធពិធីមង្គលការខ្នាតយក្ស នៅទីក្រុងញូវដេលីកាលពីថ្ងៃអង្គារ ទី៤ ខែធ្នូ ឆ្នាំ២០១៨។ ក្នុងពិធីនោះផងដែរមានការចូលរួមពីសំណាក់តារាល្បីៗ និងបុគ្គលសាធារណៈដូចជានាយករដ្ឋមន្ត្រីឥណ្ឌា និងតារាហូលីវូដជាច្រើនផងដែរ។

ព្រឹត្តិការណ៍នៅសណ្ឋាគារក្រុងញូវដេលីបានធ្វើឡើងបន្ទាប់ពីពិធីអាពាហ៍ពិពាហ៍មានរយៈពេល 3 ថ្ងៃរបស់ប្តីប្រពន្ធមួយគូរនេះនៅ អតីតព្រះបរមរាជវាំងមួយនៅប្រទេសឥណ្ឌាស្ថិតនៅចំពីលើកំពូលភ្នំនៃភាគខាងលិចទីក្រុងញូវដេលី ដែលរួមបញ្ចូលទាំងព្រឹត្តិការណ៍នៃការប្រកួតកីឡា cricket និងបទចម្រៀងនិងការសម្តែងបែប បូលីវូដ “Bollywood” ។
នៅថ្ងៃអង្គារនេះមានការចូលពីសំណាក់ នាយករដ្ឋមន្ត្រីឥណ្ឌាលោក ណារេនដ្រា ម៉ូឌី (Narendra Modi) ដែលឈរនៅជិត អ្នកនាង Chopra,ដែលស្លៀកសំលៀកបំពាក់ឈុតអាពាហ៍ពិពាហ៍ឥណ្ឌាហើយ លោក Jonas ដែលស្លៀកពាក់ខោអាវ Tuxedo ពណ៌ខ្មៅ។

អ្នកនាង Chopra មានអាយុ 36 ឆ្នាំនិង លោក Jonas មានអាយុ 26 ឆ្នាំ ទើបតែបានភ្ជាប់ពាក្យជាមួយគ្នាកាលពីដើមឆ្នាំនេះ។ Chopra ដែលជាអតីតបវរកញ្ញាពិភពលោកក្នុងឆ្នាំ២០០០ បានចូលរួមសម្ដែងក្នុងរយៈពេល 3 រដូវកាលក្នុងរឿង “Quantico” របស់ស្ថានីយទូរទស្សន៍ ABC ហើយបានក្លាយជាតារាសម្ដែងឥណ្ឌាដំបូងគេដែលដឹកនាំរឿងទូរទស្សន៍អាមេរិក។ នៅក្នុងប្រទេសឥណ្ឌានាងគឺជាតារាខ្សែភាពយន្តដែលទទួលបានប្រាក់កម្រៃខ្ពស់បំផុតនៅបូលីវូដ “Bollywood” ។

លោកNick Jonas និងបងប្អូនប្រុសរបស់គាត់ Kevin និង Joe បានបង្កើតជាក្រុមតន្រ្តីរ៉ុក – មានឈ្មោះថា “រ៉ុក Jonas Brothers” ក្នុងឆ្នាំ 2005 ហើយបានសាងខ្លួនឲ្យល្បីល្បាញ ក្នុងចំណោមតារាវ័យក្មេងតាមរយៈស្ថានីយ៍ទូរទស្សន៍ Disney។

ក្នុងពិធីមង្គលការកាលពីថ្ងៃអង្គារ ទី៤ ខែធ្នូ ឆ្នាំ២០១៨ របស់គូរស្វាមីភរិយាមួយគូរនេះមានដូចជាគូដណ្តឹងរបស់បងប្រុសរបស់ លោក Nick Jonas ដូចជា Sophie Turner ដែលជាតារាសម្តែងនៅក្នុងខ្សែភាពយន្តដ៏កំពូលរបស់ស្ថានីយ៍ទូរទស្សន៍ HBO series “King of Throne” ។

កាលពីថ្ងៃអង្គារ Chopra បានបង្ហោះរូបភាពមួយចំនួននៃការប្រារព្ធពិធីអាពាហ៍ពិពាហ៍របស់នាងនៅលើគណនី Instagram របស់នាងដោយសរសេរពាក្យយ៉ាងខ្លីថា «យើងនឹងចាប់ផ្តើមជារៀងរហូតពីពេលនេះតទៅហើយ … »៕

អត្ថបទ៖ ឡុង រតនា