Connect with us

បច្ចេកវិទ្យាថ្មីមួយ អាចជួយពញាក់ស្មារតីអ្នកបើកបរ ដែលងងុយគេង ឬ អស់កម្លាំង

ប្រទេសចិន ៖ គ្រឿងចក្រដ៏ទំនើបដែលមានបំពាក់ដោយបច្ចេកវិទ្យាបញ្ញាសិប្បនិម្មិតជាច្រើនប្រភេទ ត្រូវបានគេយកមកតាំង​បង្ហាញ នៅឯទិវាបច្ចេកវិទ្យាថ្មីអន្តរជាតិ គ័ងចូវ ២០១៨។


ក្នុងចំណោមបច្ចេកវិទ្យាទាំងនោះ មានបច្ចេកវិទ្យាមួយដែលអ្នកតាំងបង្ហាញ បានអះអាងថា វាអាចជួយរំលឹក និង ​ពញាក់អារម្មណ៍អ្នកបើកបរ ដែលងោកពេលកំពុងបើកបរ។

បើតាមអ្នកតាំងបង្ហាញផលិតផល  បានអោយដឹងថា បើសិនជាអ្នកបើកបរអស់កម្លាំង គាត់នឹងធ្លាក់ភ្នែក ហើយប្រស្រីភ្នែករបស់គាត់ នឹងរួមតូច ។ នៅពេលដែលកាមេរ៉ាពិនិត្យឃើញស្ថានភាពនេះ វានឹងផ្ដល់សំលេងពញាក់អារម្មណ៍ភ្លាមៗតែម្ដង ។

បើសិនជាអ្នកបើកឡានក្រុងអស់កម្លាំង កាមេរ៉ា នឹងបញ្ជូនសារទៅកាន់ក្រុមអ្នកតាមដានស្ថានការនៅឯស្ថានីយ ដើម្បីប្រាប់គេអោយដឹងថា អ្នកបើកបរអស់កម្លាំង ហើយអ្នកតាមដាននឹងជូនដំណឹងមកកាន់អ្នកបើកបរ ​កុំអោយ​បន្តដំណើរទៅមុខ ដើម្បីជៀសវាងបង្កអោយមានគ្រោះ       ថ្នាក់។ ក្នុងពេលជាមួយគ្នានោះដែរ កាមេរ៉ាដដែលនោះ​ ក៏គណនាចម្ងាយរវាងរថយន្ត និងរថយន្ត ហើយបើសិនជារថយន្តស្ថិតនៅចម្ងាយដែលអាចបង្កគ្រោះថ្នាក់ កាមេរ៉ា ​នឹងបញ្ចេញសំលេង     ពញាក់អារម្មណ៍ដល់អ្នកបើកបរផងដែរ។

បច្ចេកវិទ្យាមួយទៀត ដែលបានយកមកបង្ហាញ ត្រូវបានគេបញ្ចូលទៅក្នុងតុក្កតាសម្រាប់ក្មេង  លេង។ វា គឺជា​កេសក្រដាស ដែលមិនប្រើខ្សែ ឬ ដែកអ្វីនោះទេ ប៉ុន្តែគេអាចបំលែងវាអោយទៅជាព្យាណូបាន ។

អ្នកតាំងបង្ហាញផលិតផល បានអោយដឹងថា កេសនេះ អត់មានតខ្សែភ្លើងអ្វីទេ គឺមានតែដងសម្រាប់កាន់ តែ២ប៉ុណ្ណោះ ។ ដងម្ខាង បញ្ចេញកាំរស្មីអាំងហ្វ្រ៉ារែត តាមដងកាន់នេះ ហើយបញ្ចេញប្រតិកម្មជាមួយនឹងក្រដាសផ្លាត ។ ដងទាំងពីរ មានលក្ខណៈស្រដៀងគ្នាណាស់។

ក្រៅពីតាំងបង្ហាញផលិតផលដែលផលិតក្នុងស្រុក ពិព័រណ៍នេះ ក៏មានបង្ហាញបច្ចេកវិទ្យាមកពីប្រទេសឯទៀតដែរដូចជា Sensor ដែលអាចបកប្រែសញ្ញាសំខាន់ៗរបស់ទារកនិង ផលិតផលឆ្លាតវៃផ្សេងៗ​ដែលអាចជួយអ្នកដែលរៀនមិនងាយចេះអោយមានសមត្ថភាពដោះស្រាយបញ្ហានេះបាន

  • អត្ថបទទាក់ទង :
  • Featured
Loading...

ពេញនិយម