Ronaldo ចង់ឃើញ Messi មកប្រកួតប្រជែងគ្នានៅ Serie A នៅថ្ងៃណាមួយ

អ៊ីតាលី៖ Cristiano Ronaldo គិតថា គូប្រជែងដ៏ស្វិតស្វាញរបស់ខ្លួននៅ Barcelona កីឡាករ Lionel Messi គួរតែមកចូលរួមជាមួយគាត់ នៅលីហ្គអ៊ីតាលីនៅថ្ងៃណាមួយ ។ នេះបើយោងតាម កិច្ចសម្ភាសន៍ជាមួយកាសែត La Gazzetta dello Sport និង Corriere dello Sport ។

កីឡាករអន្តរជាតិព័រទុយហ្គាល់រូបនេះ បានឆ្លើយតបនឹងសំណួរមួយដែលសួររូបគេថា នឹក Messi ឬ អត់ ។ គាត់ បាននិយាយថា ខ្ញុំប្រហែលជានឹកគាត់បន្តិច ។ ខ្ញុំលេងនៅប្រទេសអង់គ្លេស ,      អេស្ប៉ាញ , អ៊ីតាលី, ព័រទុយហ្គាល់ ខណៈពេលដែលគាត់ស្នាក់នៅតែប្រទេសអេស្ប៉ាញ ។ ដូចនេះ ប្រហែលជាគាត់ ត្រូវការខ្ញុំបន្ថែមទៀត ។

Ronaldo ក៏បាននិយាយថា ចង់ឃើញ កីឡាករ Messi មកលេងនៅអ៊ីតាលីនៅថ្ងៃណាមួយ ដើម្បីប្រកួតប្រជែងជាមួយគ្នា ។                                   

រយៈពេលជាង ១៥ឆ្នាំក្នុងអាជីពបាល់ទាត់របស់កីឡាករជើងឯក Ballon d’Or ៥សម័យនេះរូបគេបានលេងឲ្យ ៤ក្លិបក្នុង ៤ប្រទេសផ្សេងគ្នាគឺ ក្លិប SportingLisbon ក្នុងប្រទេសព័រទុយហ្គាល់,   ក្លិប ManchesterUnited ក្នុងប្រទេសអង់គ្លេស, ក្លិបReal Madrid ក្នុងប្រទេសអេស្ប៉ាញ និងក្លិប Juventusក្នុងប្រទេសអ៊ីតាលី៕

ប្រភព៖ TrollKhmer