Connect with us

Google ត្រៀមបើកករិយាល័យតំណាងនៅវៀតណាម ខណៈច្បាប់សន្តិសុខព័ត៌មានវិទ្យាថ្មី នឹងចាប់អនុវត្តពីថ្ងៃទី១ មករា ២០១៩

ហាណូយ៖ ក្រុមហ៊ុនយក្ស​របស់សហរដ្ឋអាមេរិក Google កំពុងបោះជំហានទៅកាន់ការបើក​ការិយាល័យតំណាង​របស់ខ្លួន​ ប្រចាំនៅក្នុងប្រទេស​វៀតណាម ដើម្បីអោយស្របទៅនឹងច្បាប់ថ្មី របស់ប្រទេសវៀតណាម ។

យោងតាមរដ្ឋាភិបាល​វៀតណាម ដែលបានអះអាងនៅថ្ងៃទី ១២ ខែធ្នូនេះ តារយៈ​គេហទំព័រ​ផ្លូវការណ៍ បានអោយដឹងថា ដោយផ្អែកលើ​ប្រភពបានមកពីអនុប្រធា​នជាន់ខ្ពស់ក្រុមហ៊ុន Google លោក ខែន វ៉កខឺ (Kent Walker)​បានបញ្ជាក់ក្រមហ៊ុន Google កំពុងសិក្សា​ពីការបើកការិ​យា     ល័យ​តំណាង នៅក្នុងប្រទេស​វៀតណាម​ ជាមួយការ​ទទួលបានគោលការណ៍​ធានាពិសេសមួយ​ ដែលស្របតាម​ច្បាប់​អន្តរជាតិ ។

ការឈានទៅបើកការិយាល័យនេះ គឺស្របពេលដែលច្បាប់ស្ដីពីសន្តិសុខ​ព័ត៌មានវិទ្យាដ៏ចម្រូងចម្រាស់របស់​វៀតណាម នឹងត្រូវចូលជាធរមាន​នៅថ្ងៃទី ១ ខែមករា ឆ្នាំ២០១៩ខាងមុខនេះ ដែលតម្រូវ​ឱ្យក្រុមហ៊ុនបច្ចេកវិទ្យា​ទាំងអស់​ត្រូវបើក​ការិយាល័យតំណាង និង ផ្ទុកទិន្នន័យ​នៅក្នុង​ប្រទេស ដោយ​សារតែទីក្រុងហាណូយបានមើលឃើញនូវ​ការវាយប្រហារ​ផ្នែកព័ត៌មានវិទ្យា​​កាន់តែខ្លាំង​ឡើងៗ​នៅទូទាំង​សកលលោក ។ តាមច្បាប់ថ្មីរបស់ប្រទេសវៀតណាមក្រុមហ៊ុន Google ឬ ក្រុមហ៊ុន Facebook  ត្រូវតែដកចេញនូវរាល់ការបង្ហោះខ្លឹមសារបំពុលសង្គមនិងត្រូវប្រគល់អោយនូវទិន្នន័យផ្ទាល់ខ្លួននៃអ្នកប្រើប្រាស់ប្រសិនបើមានការស្នើរសុំពីរដ្ឋាភិបាល ដែលប្រការនេះ ត្រូវបានអ្នកវិភាគលើកឡើងថាជាការឈានទៅលុបបំបាត់ការបង្ហោះសាររិះគន់រដ្ឋាភិបាលវៀតណាមលើបណ្តាញសង្គម ៕

  • អត្ថបទទាក់ទង :
  • Featured
Loading...

ពេញនិយម