Connect with us

ក្រុមហ៊ុនស្រាប្រទេសព័រទុយហ្គាល់ កំពុងពង្រីកអាជីវកម្មស្រា នៅក្នុងប្រទេសចិន

ប្រទេសចិន ៖ ក្រុមហ៊ុនផលិតស្រានៅប្រទេសព័រទុយហ្គាល់ កំពុងចង់ពង្រីកមុខរបររបស់ខ្លួនមកកាន់ប្រទេសចិន ដែលមានទីផ្សារស្រា កំពុងលូតលាស់យ៉ាងខ្លាំង។


ក្រុមហ៊ុន Quinta do Gradil មកពីរដ្ឋធានី លីស្បុន (Lisbon) ប្រទេសព័រទុយហ្គាល់ គឺជាក្រុមហ៊ុនស្រាមួយក្នុងចំណោមក្រុមហ៊ុនព័រទុយហ្គាល់ ដែលបានមកធ្វើទស្សនៈកិច្ចនៅប្រទេសចិន ក្នុងគោលបំ​ណង​សិក្សាស្វែងយល់បន្ថែម អំពីសក្ដានុពលទីផ្សារលក់ស្រាដ៏ធំមហិមា នៅប្រទេសចិននេះ ។

លោក ប្រ៊ូណូ ហ្គោមេ អ្នកគ្រប់គ្រងផ្នែកទេសចរស្រា នៅក្រុមហ៊ុន Quinta do Gradil បានអោយដឹងថាការនាំចេញស្រាទៅកាន់ប្រទេសចិន គឺជាផ្នែកដ៏សំខាន់ណាស់សម្រាប់ក្រុមហ៊ុន ពីព្រោះ លោក អាចរកចំនូលពីការលក់ស្រានៅប្រទេសចិន បានដល់ទៅ៣សែន៤ម៉ឺនដុល្លារអាមេរិក​ឯណោះ ។ ដូច្នេះ ក្រុមហ៊ុនលោក កំពុងព្យាយាមចូលអោយកាន់តែជិតនឹងអតិថិជនចិន ហេតុនេះហើយ ទើបបានជាក្រុមហ៊ុន បានបោះទីតាំងនៅក្បែរភោជនីយដ្ឋាន ក្បែរហាងស្រា ទាំងហាងដែលលក់តាមអនឡាញ និង មិនតាមអនឡាញ។

លោក ហ្គោមេ មានសុទិដ្ធិនិយមចំពោះអាជីវកម្មស្រារបស់ក្រុមហ៊ុនលោក នៅប្រទេសចិន។

បើយោងតាមស្ថិតិដែលចេញផ្សាយដោយអគ្គនាយកដ្ឋានគយចិនប្រទេសចិនបាននាំចូលស្រាពីប្រទេសព័រទុយហ្គាល់ ចំនួន៩លាន៥សែន៨ម៉ឺនលីត្រក្នុងឆ្នាំ២០១៧ ដែលស្មើនឹងប្រាក់ប្រហែល២៣លាន ៥សែន​ដុល្លារ​អាមេរិក កើនឡើង២៩ភាគរយបើធៀបនឹងឆ្នាំ២០១៦៕

  • អត្ថបទទាក់ទង :
  • Featured
Loading...

ពេញនិយម