Connect with us

គ្រូអាល្លឺម៉ង់ នៅបន្តដឹកនាំក្រុម ទោះធ្លាក់ត្រឹមវគ្គចែកពូល World Cup

លោក ចចឃីម ឡូវ (Joachim Low) នឹងបន្តកាន់តំណែងជាគ្រូបង្គោលក្រុមបាល់ទាត់ជម្រើសជាតិអាល្លឺម៉ង់ ទោះបីពួកគេជ្រុះចេញពី FIFA World Cup 2018 នៅត្រឹមវគ្គចែកពូល។

ក្រុមការពារតំណែងជើងឯកបានបញ្ចប់នៅបាតតារាងពូល G ក្រោយចាញ់កូរ៉េខាងត្បូង ២ទល់នឹង០ និង ជាលើកដំបូងចាប់ពីឆ្នាំ១៩៣៨ មកដែលពួកគេជ្រុះតាំងពីជុំទីមួយ។ លោក Low ដែលចូលធ្វើគ្រូបង្គោលក្នុងឆ្នាំ២០០៦ នៅសល់កិច្ចសន្យាដល់ឆ្នាំ២០២២។

បុរសវ័យ៥៨ឆ្នាំ និយាយក្នុងសន្និសិទ្ធសារពត៌មានថា ទោះបីមានការរិះគន់ច្រើន តែលោកក៏ទទួលបានការគាំទ្រ និង លើកទឹកចិត្ត។ រឿងកន្លងមកគឺជាបទពិសោធ ហើយលោកប្ដេជ្ញាថានឹងកសាងក្រុមអោយកាន់តែល្អឡើងវិញ។ លោក Low បាននាំអាល្លឺម៉ង់លើកពាន World Cup 2014 ក្រោយបានលេខ៣ កាលឆ្នាំ២០១០៕

  • អត្ថបទទាក់ទង :
  • Featured
Loading...

ពេញនិយម