Connect with us

សាលាបង្រៀនបើកបរយានយន្តដ៏ល្បីឈ្មោះរបស់ប្រទេសជប៉ុន មកបើកសាខានៅកម្ពុជា

ភ្នំពេញ ៖ សាលាបង្រៀនបើកបរយានយន្ត មីណាមី (Minami) ដែលល្បីឈ្មោះនៅប្រទេសជប៉ុន បានបង្ហាញវត្តមានជាផ្លូវការណ៍ក្នុងព្រះរាជណាចក្រកម្ពុជា ។

សាលាបង្រៀនបើកបរនេះ បង្កើតតាំងពីឆ្នាំ ១៩៦៥ ក្នុងប្រទេសជប៉ុន ។ ការបើកសាខាក្នុងប្រ​ទេសកម្ពុជានេះ មានគោលដៅជួយកាត់បន្ថយគ្រោះថ្នាក់ចរាចរណ៏ក្នុងប្រទេសកម្ពុជា ស្របតាមគោលដៅរបស់អង្គការជប៉ុន JICA និង រាជដ្ឋាភិបាលកម្ពុជា តាមរយៈ ការផ្តល់នូវ សុវត្ថិភាព និង ចំណេះជំនាញបើកបរយានយន្តពិតប្រាកដ និងច្បាស់លាស់ ដល់អ្នកបើកបរកម្ពុជា។

បើតាមលោក Ryosuke Kobayashi ដែលជានាយកប្រតិបត្តិប្រចាំសាលាបង្រៀនបើកបរយានយន្ត មីណាមី បានអះអាងថា ជាមួយនឹងបទពិសោធន៍ច្រើនជាង៦០ឆ្នាំ ក្នុងប្រទេសជប៉ុន សា​លាបង្រៀនបើកបរយានយន្ត មីណាមី នឹងផ្តល់នូវបទពិសោធន៍ថ្មី ក្នុងការរៀនបើកបរ ប្រកប​ដោយ​សុវត្ថិភាព យល់ច្បាស់ពីច្បាប់ចរាចរណ៍ ស្លាកសញ្ញា និង គោរពច្បាប់ចរាចរណ៏ ស្របតាមគោលដៅរាជរដ្ឋាភិបាលកម្ពុជា។

លោក បន្ថែមថា មូលហេតុដែលលោកជ្រើសរើសបើកដំណើរការសាលាបង្រៀនបើកបរ មីណាមី ក្នុងប្រទេសកម្ពុជា ព្រោះតែលោកស្រឡាញ់ប្រទេសកម្ពុជា លោកចង់ឲ្យប្រជាជនកម្ពុជា ទទួល​បានសុវត្ថិភាពគ្រប់ៗគ្នា ក្នុងពេលបើកបរ ។

នាពេលបច្ចុប្បន្ននេះ​ ទន្ទឹមនឹងកំណើនសេដ្ឋកិច្ចនៅប្រទេសកម្ពុជា  ចំនួនយានយន្ត ក៏មានការកើនឡើងជាលំដាប់  ហើយអាត្រានៃគ្រោះថ្នាក់ចរាចរណ៍ ក៏ដូចជាចំនួនអ្នកស្លាប់ និងរងគ្រោះ ដោយគ្រោះថ្នាក់ចរាចរណ៍ ក៏មានការកើនឡើងគួរឲ្យកត់សម្គាល់ផងដែរ ។

 កាលពីពេលថ្មីៗនេះ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណៈការ និងដឹកជញ្ជូន​បានដាក់ចេញយុទ្ធសាស្រ្តចំនួន ៣ ដើម្បីកាត់បន្ថយគ្រោះថ្នាក់ចរាចរណ៍ រួមមាន (១) ការគ្រប់គ្រងដោយប្រើប្រព័ន្ធកុំព្យូទ័(Engineering)  (២)ដំណើរអោយមានការប្រតិបត្តិ(Enforcement) និង (៣)ការផ្ដល់ចំណេះដឹង (Education) ដែលគេហៅកាត់ថា យុទ្ធសាស្រ្ត 3E ៕

  • អត្ថបទទាក់ទង :
  • Featured
Loading...

ពេញនិយម