Connect with us

តោះ! មកដឹងពី ៩ចំណុចរបស់កញ្ញា Taew Natapohn ដែលជាតារាសម្តែងល្បីលំដាប់កំពូលរបស់ថៃ

បន្ទាប់ពីភាពយន្តខ្នាតធំរបស់ប្រទេសថៃរឿង ព្រះម៉ែនាគរាជវគ្គ២ បានទទួលការគាំទ្រយ៉ាងពេញទំហឹងពីសំណាក់អ្នកទស្សនានៅក្នុងប្រទេសថៃ ពោលគឺរកចំណូលបានរហូតដល់ទៅ ១០លានដុល្លារតែក្នុងរយៈពេល៧ថ្ងៃសោះនៅក្នុងស្រុក។ កញ្ញា Taew Natapohn ត្រូវបានទទួលស្គាល់ថាជាតារាសម្តែងថៃលំដាប់កំពូលមួយរូបដែលមិនអាចប្រកែកបាន។ MyTV plus សូមនាំយកចំនុចទាំង៩ដែលទាក់ទងនឹងប្រវត្តិកញ្ញាត្រួសៗមកជូនមិត្តអ្នកអានបានដឹង៖

  • តារាសម្តែងម្នាក់នេះ កើតនៅថ្ងៃទី 06 ខែកុម្ភៈឆ្នាំ 1989 ។ គាត់គឺជាកូនស្រីតូចរបស់ Narong Temeeruk អនុប្រធាននាយកដ្ឋានអាកាសចរណ៍របស់ប្រទេសថៃ ។
  • កញ្ញា Taew Natapohn បានបញ្ចប់សញ្ញាបត្របរិញ្ញាបត្រជាន់ខ្ពស់ ផ្នែកស្ថាបត្យកម្ម ជំនាន់ទី២។
  • កញ្ញាTaew Natapohn បានចាប់ផ្តើមធ្វើការនៅក្នុងវិស័យផ្សព្វផ្សាយរបស់ថៃដំបូងជាតួរ សម្តែងក្នុង ស្ពតវីដេអូផ្សាយពាណិជ្ជកម្មឲ្យទូរទស្សន៍។ នៅពេលនោះកញ្ញា បានបង្ហាញខ្លួននៅលើការផ្សាយពាណិជ្ជកម្មតាមកញ្ចក់ទូរទស្សន៍ជាមួយតារាចិន Yi Jian និង Liu Yi Fei ។
  • បន្ទាប់មកកញ្ញា Taew Natapohn បានក្លាយជាអ្នកផ្សព្វផ្សាយកម្មវិធីទូរទស្សន៍សម្រាប់ប៉ុស្តិ៍លេខ ៧ នៅថៃមុនពេលចុះកិច្ចសន្យាជាមួយ Thai TV3 ដែលជាតារាសម្ដែងប្រចាំប៉ុស្តិ៍។
  • កញ្ញា Taew Natapohn បានធ្វើឲ្យទស្សនិកជនចាប់ផ្តើមស្គាល់នាងខ្លាំង បន្ទាប់ពីនាងបានសម្តែងរឿង “Dong Poo Dee” ជាមួយតារាសម្តែងរឿងភាគទូរទស្សន៍ Smart Krissada ក្នុងឆ្នាំ 2009 ។
  • កញ្ញា Taew Natapohn ក្លាយជាតារាសម្តែងកំពូល ក្នុងការថតខ្សែភាពយន្ត ដោយសារតែរឿងភាគទូរទស្សន៍ដ៏ពេញនិយមមួយគឺ Nakee ឬ ព្រះម៉ែនាគរាជវគ្គ១ ជាមួយតួអង្គឈ្មោះ Kum Kaew ។
  • កញ្ញា Taew Natapohn ចេះនិយាយ២ភាសា ភាសាចិន និង ភាសាថៃខាងជើង។
  • កញ្ញា Taew Natapohn បានឈ្នះពានរង្វាន់ចំនួន ១៧ដង ក្នុងខ្សែភាពយន្តដែលថៃថតជាមួយបរទេស។
  • កញ្ញា Taew Natapohn មានទំនាក់ទំនងជាមួយលោក Ton Arch អស់រយៈពេល 12 ឆ្នាំហើយមិនទាន់បានដំណឹងល្អ ថាកញ្ញានឹងចូលរោងការនៅពេលណានោះឡើយ ៕

អត្ថបទ៖ ឡុង រតនា

Loading...

ពេញនិយម