គ្រូអង់គ្លេស ថាមានអារម្មណ៍អស្ចារ្យក្រោយបានឡើងវគ្គ៤ក្រុម World Cup

លោក Gareth Southgate គ្រូបង្គោលក្រុមជម្រើសជាតិអង់គ្លេស អះអាងទាំងរំភើបថា ការឡើងដល់វគ្គពាក់កណ្ដាលផ្ដាច់ព្រ័ត្រ FIFA World Cup 2018 និង ជាលើកដំបូងចាប់តាំងពីឆ្នាំ១៩៩០មក

គឺជាភាពអស្ចារ្យស្ទើរតែមិនគួរឲ្យជឿសម្រាប់ក្រុមខ្លួន។ គ្រូបង្វឹកក្រុមជើងឯកឆ្នាំ១៩៦៦ រំពឹងថា ជនរួមជាតិខ្លួននឹងរីករាយចំពោះលទ្ធផលឈ្នះស៊ុយអែត ព្រោះនេះជារឿងដែលមិនសូវកើតឡើងញឹកញាប់ទេ។ អង់គ្លេស នឹងត្រៀមខ្លួនបន្តទៀតសម្រាប់ជំនួបពាក់កណ្ដាលផ្ដាច់ព្រ័ត្រជាមួយក្រូអាត នៅថ្ងៃពុធ សប្តាហ៍នេះ។

គួរដឹងដែរថា Harry Maguire និង Dele Ali បានតែតបញ្ចូលម្នាក់មួយគ្រាប់ក្នុងចំណោមជ័យជំនះ ២-០ ខណៈក្រូអាត ទម្លាក់ម្ចាស់ផ្ទះរុស្ស៊ី ដោយបាល់ប៉េណាល់ទីកាត់សេចក្ដី ៤ទល់នឹង៣ ក្រោយស្មើគ្នា២-២។ ដោយឡែក អង់គ្លេស ខកខានឡើងវគ្គផ្ដាច់ព្រ័ត្រតាំងពីឆ្នាំ១៩៦៦ម្ល៉េះ ហើយនេះក៏ជាលើកទី៣ដែរ ដែលពួកគេឡើងវគ្គ៤ក្រុមចុងក្រោយ៕