Connect with us

អ្នកកាសែតថា ការបណ្ដេញលោក Mourinho ធ្វើឲ្យ PSG មានការព្រួយបារម្ភ

អង់គ្លេស៖ អ្នកកាសែតម្នាក់​ បាននិយាយនៅក្នុងកិច្ចពិភាក្សារបស់ BBC Radio 5 live ថា ដោយសារតែការបណ្ដេញ លោក Mourinho បានធ្វើឲ្យ PSG ព្រួយបារម្ភ​ ព្រោះពួកគេត្រូវជួបគ្នានៅ Champions League។

លោក Jose Mourinho ត្រូវបានក្លិបបណ្តេញចេញពីតំណែងជាអ្នកចាត់ការក្រុម Manchester United កាលពីថ្ងៃអង្គារ ក្រោយពីដឹកនាំបានពីរឆ្នាំកន្លះ ហើយក្រុមបិសាចក្រហម​ ក៏បានតែងតាំងអតីតខ្សែប្រយុទ្ធ Ole Gunnar Solskjaer ជាគ្រូបង្វឹកបណ្ដោះអាសន្ន។

លោក Julien Laurens គឺជាអ្នកកាសែតបាល់ទាត់ និងជាអ្នកចុះផ្សាយ​ ដែលមានមូលដ្ឋាននៅទីក្រុងឡុង​ បានឲ្យដឹងថា វាជាបរិយាកាសដ៍សែនឈឺក្បាលក្នុងបន្ទប់សំលៀកបំពាក់ ដោយសារតែលោក Mourinho។ ប្រសិនបើគាត់នៅដឹកនាំ នោះ PSG នឹងមានឱកាសឈ្នះច្រើន។ តែឥឡូវស្ថានភាពក្លិបនឹងកាន់តែប្រសើរឡើង ព្រោះកីឡាករសំខាន់ៗ​ នឹងលេងកាន់តែល្អ អ្នកគ្រប់គ្នានឹងសប្បាយចិត្ត ហើយនោះមិនមែនជាអ្វីដែល PSG ចង់បានឡើយ​ ។

លោក​ បានបន្ថែមទៀតថា គ្រូបង្វឹកថ្មីបណ្ដោះអាសន្ន Solskjaer នឹងផ្លាស់ប្តូរអ្វីៗគ្រប់យ៉ាង​ ដើម្បីធ្វើឲ្យ ManUtd មានការប្រកួតប្រជែងជាថ្មីម្តងទៀត។ នៅពេលការចាប់ឆ្នោតបានធ្វើឡើង ពលរដ្ឋនៅទីក្រុងប៉ារីស​ បានគិតថា នេះគឺជាការចាប់ឆ្នោតដ៏ល្អសម្រាប់ពួកគេ ប៉ុន្តែឥឡូវនេះមិនមានជារឿងល្អទៀតនោះទេ៕

ប្រភព៖ TrollKhmer

  • អត្ថបទទាក់ទង :
  • Featured
Loading...

ពេញនិយម