Connect with us

អតីតគ្រូបង្វឹករបស់ Liverpool ម្នាក់ថា ក្រុមហង្សក្រហមគង់តែរបូតពាន Premier League ជាមិនខាន

អង់គ្លេស៖ យោងតាមលោក Roy Hodgson ដែលជាគ្រូបង្វឹកក្រុម Crystal Palace បាននិយាយថា Liverpool ដែលកំពុងឈរនៅលើកំពូលតារាងក្របខ័ណ្ឌ Premier League គង់តែរបូតពាននេះជាមិនខាន។

ជ័យជម្នះ ៣-២ របស់ក្រុម Crystal Palace លើ Manchester City បានធ្វើឲ្យ Liverpool នាំមុខ ៤ពិន្ទុនៅលើតារាង ហើយក្រុមហង្សក្រហមគឺជាក្រុមតែមួយគត់ដែលនៅតែមិនទាន់ចាញ់ ខណៈដែលកូនក្រុមរបស់លោក Jurgen Klopp សង្ឃឹមអាចលើកពានជាលើកដំបូងចាប់តាំងពីឆ្នាំ១៩៩០។

ទោះជាយ៉ាងណា​ អតីតអ្នកចាត់ការទូទៅរបស់ក្លិបហង្សក្រហមលោក Hodgson បានទទូចថា នឹងមានការភ្ញាក់ផ្អើលជាច្រើនដែលត្រូវមកស្វាគមន៍ក្រុមនៅទីក្រុងលីវើភូល។

លោក Hodgson ដែលជាអ្នកចាត់ការទូទៅរបស់ Liverpool រដូវកាល ២០១០-២០១១ បាននិយាយថា: «ខ្ញុំមិនគិតថាលោក Pep Guardiola នឹងខ្វល់ខ្វាយពីគម្លាត ៤ពិន្ទុនេះទេ ហើយលីហ្គនៅសល់ ២០ប្រកួតទៀតដែលត្រូវលេង។ ManCity នឹងត្រូវប៉ះ Liverpool បើពួកគេមិនអាចឈ្នះ ក៏គង់មានក្រុមផ្សេងអាចយកឈ្នះ Liverpool បានដែរ ព្រោះផ្លូវនៅវែងឆ្ងាយទៀតណាស់៕

ប្រភព៖ TrollKhme

  • អត្ថបទទាក់ទង :
  • Featured
Loading...

ពេញនិយម