Connect with us

កូនប្រុសរបស់ប្រធានាធិបតីប្រទេសលីបេរីយ៉ា ប្រកាសថា រូបគេនឹងចាកចេញពី PSG ក្នុងលក្ខខណ្ឌខ្ចីជើង នាខែមករា

បារាំង៖ កីឡាករ Timothy Weah របស់ PSG និងជាខ្សែប្រយុទ្ធស្លាបក្រុមជម្រើសជាតិអាមេរិកដែលចូលវ័យ ១៨ឆ្នាំនៅថ្ងៃបុណ្យណូអែល បានប្រកាសថា រូបគាត់ នឹងចាកចេញពីលីហ្គបារាំងក្នុងលក្ខខណ្ឌខ្ចីជើងនាខែមករា ។
Weah ដែលជាកូនប្រុសរបស់ប្រធានាធិបតីប្រទេសលីបេរីយ៉ា លោក George Weah បានបង្ហាញខ្លួនត្រឹមតែ ៣ដងប៉ុណ្ណោះសម្រាប់ក្លិបអ្នកមានបារាំង នៅរដូវកាលនេះ ដោយទាត់បញ្ចូលទីចំនួន ២គ្រាប់ ។
ទោះជាយ៉ាងណាក៏ដោយ កីឡាករវ័យក្មេងរូបនេះ មិនដែលបានចូលក្នុងទីលាន សូម្បីតែមួយនាទីចាប់តាំងពីពាក់កណ្តាលខែសីហា និង បានបង្ហាញពីបំណងប្រាថ្នាចាកចេញទៅក្រុមផ្សេងដោយខ្ចីជើង ។
បន្ទាប់ពីបានផ្ញើសារតាម Instagram រួចហើយ Weah ក៍បាន Followed កីឡាករក្នុងក្រុម Celtic ជាច្រើន។ ដោយឡែកក្លិប Celtic ក៍កំពុងត្រូវការខ្សែប្រយុទ្ធបន្ថែមទៀតក្នុងខែមករា។
តាមកាសែត RMC បានរាយការណ៍ថា អតីតកីឡាកររបស់ Arsenal លោក Kolo Toure បច្ចុប្បន្នជាជំនួយការបច្ចេកទេសនៅក្រុម Celtic ក៍បានបញ្ចុះបណ្ចូល Weah ទៅចូលរួមជាមួយ Celtic ផងដែរ ៕

ប្រភព៖ TrollKhmer

  • អត្ថបទទាក់ទង :
  • Featured
Loading...

ពេញនិយម