Connect with us

លោក Sarri និយាយថា គាត់មិនត្រូវការខ្សែប្រយុទ្ធទេ តែចង់បានខ្សែបម្រើស្លាបច្រើងជាង

អង់គ្លេស៖ លោក Maurizio Sarri អ្នកចាត់ការទូទៅក្លិប Chelsea គ្រោងនឹងចុះហត្ថលេខា នាំយកខ្សែបម្រើស្លាប ជំនួសខ្សែប្រយុទ្ធថ្មី ស្របពេលដែលមានរបាយការណ៍ទាក់ទងនឹងខ្សែប្រយុទ្ធ Higuain របស់ក្រុម AC Milan ផ្លាស់ទៅកាន់ទឹកដី Stamford Bridge។
Higuain ដែលលេងក្រោមការដឹកនាំរបស់លោក Sarri កាលនៅ Napoli ត្រូវបានផ្សារភ្ជាប់យ៉ាងខ្លាំងនឹងការផ្លាស់ទៅកាន់ក្លិបតោខៀវ ។ ប៉ុន្តែ Sarri បានសម្រេចចិត្តថា នឹងមិននាំយកខ្សែប្រយុទ្ធបន្ថែមទៀតទេ ។ អ្នកចាត់ការរូបនេះ ក៏បានច្រានចោលព័ត៌មាន នាំយកកីឡាករខ្ចីជើង Abraham ពី Aston Villa ឬ Michy Batshuayi នៅ Valencia មកវិញផងដែរ ។
នៅពេលសួរពីការនាំយកកីឡាករខ្ចីជើង Abraham និង Batshuayi លោក Sarri បានថ្លែងថា៖ «មិនត្រូវការខ្សែប្រយុទ្ធទៀតទេ ព្រោះខ្ញុំមានជម្រើសជាមួយ Hazard ក្នុងតំណែងនេះ។ យើងមាន Morata ហើយ Hazard ក៏អាចលេងបានយ៉ាងល្អនៅក្នុងទីតាំងនេះ ដូចដែលយើងបានឃើញនៅ ពីរ បី ប្រកួតចុងក្រោយ ។ ដូច្នេះ ខ្ញុំគិតថា នៅពេលបច្ចុប្បន្ន ក្រុមមិនត្រូវការខ្សែប្រយុទ្ធទៀតទេ។ ពួកយើងប្រហែលជាត្រូវការខ្សែបម្រើស្លាបម្នាក់ទៀត ព្រោះយើងមានបញ្ហាជាមួយនឹងការរងរបួសរបស់កីឡាករ Pedro , Hudson-Odoi , Loftus-Cheek ។ ពេលនេះ ខ្ញុំគ្មានកីឡាករសម្រាប់លេងនៅតំបន់ស្លាបឡើយ »៕

ប្រភព៖ TrollKhmer

  • អត្ថបទទាក់ទង :
  • Featured
Loading...

ពេញនិយម