Connect with us

Pep Guardiola ប្រាប់កូនក្រុមរបស់ខ្លួន កុំបាច់ខ្វល់នឹងការប្រកួតរបស់ក្រុម Liverpool

អង់គ្លេស៖ លោក Pep Guardiola ចង់ឲ្យកីឡាកររបស់ Manchester City កុំខ្វល់ការប្រកួតរបស់ Liverpool ក្នុងក្របខ័ណ្ឌ Premier League។ ក្រុមមេឃខៀវ បានផ្តួលក្រុមចចកខ្មៅ Wolves ៣-០ ដើម្បីកាត់បន្ថយគម្លាតពីក្រុមកំពូលតារាង Liverpool ៤ពិន្ទុ ។
គ្រូបង្វឹកសញ្ជាតិអេស្ប៉ាញរូបនេះ បាននិយាយថា ក្រុមរបស់លោកគួរតែផ្តោតអារម្មណ៍លើការប្រកួតផ្ទាល់ខ្លួន ដោយកុំខ្វល់តាមដានស្ថានភាពរបស់ក្រុមហង្សក្រហម។ លោក បានប្រាប់ក្រុមអ្នកយកព័ត៌មានថា៖ «យើងមិនអាចធ្វើអ្វីបានទេពីការប្រកួតរបស់ Liverpool ព្រោះវាជាកម្មសិទ្ធិរបស់គេ ។ វិធីតែមួយគត់ដើម្បីកាត់បន្ថយសម្ពាធនោះ គឺ យើងត្រូវប្រឹងខ្លួនឯង ហើយប្រហែលជាថ្ងៃមួយ ពួកគេនឹងបរាជ័យ។ ខ្ញុំនិយាយទៅកាន់កូនក្រុមថា មិនបាច់មើលប្រតិទិនការប្រកួតរបស់ហង្សក្រហម Liverpool ឡើយ បំភ្លេចវាទៅ»៕

ប្រភព៖ TrollKhmer

Loading...

ពេញនិយម