តោះ! មកមើលឈុតអាពាហ៍ពិពាហ៍របស់តារាចម្រៀង នី រតនា និង ភរិយា

ភ្នំពេញ ៖ ដូចការគ្រោងទុក នៅថ្ងៃទី ១៧ ខែមករានេះ តារាចម្រៀង នី រតនា និងគូរដណ្តឹង បានដឹកដៃគ្នាចូលរោងការហើយ បន្ទាប់ពីបានភ្ជាប់ពាក្យ អស់រយៈពេលប៉ុន្មានខែរួចមក ។
អាពាហ៍ពិពាហ៍របស់តារាចម្រៀង សម្លេងក្រអួន លោក នី រតនា បានធ្វើឡើង ក្រោមការចូលរួមអបអរសាទរពីសំណាក់តារាសម្ដែង និងតារាចម្រៀង ព្រមទាំងអ្នកគាំទ្រជាច្រើន ។
តាមរយៈបណ្តាញទំនាក់ទំនងសង្គម តារាចម្រៀង លោក នី រតនា បានបង្ហាះរូបប៉ុន្មានសន្លឹក ដែលលោក បានគ្រងឈុតអាពាហ៍ពិពាហ៍ដ៏ស្រស់ស្អាត និងបានបង្ហាញភាពសប្បាយរីករាយយ៉ាងខ្លាំង ។
មិនត្រឹមតែប៉ុណ្ណោះ អ្វីដែលប្លែកនោះ គឺ លោក នី រតនា បានស្លៀកសំលៀកបំពាក់បែបឈុតបុរាណរបស់ប្រទេសចិនយ៉ាងស្រស់សង្ហាផងដែរ ហើយពិតជាសមគ្នាជាមួយនឹងកូនក្រមុំ ដែលជាកូនកាត់ចិនម្នាក់ផងដែរ ។
អ្វីដែលចាប់អារម្មណ៍ខ្លាំងជាងនេះទៀតនោះ គេសង្កេតឃើញ អ្នកគាំទ្រជាច្រើននាក់ ក៏បានធ្វើការ Comment នៅលើបណ្តាញសង្គមហ្វេសប៊ុកលោក នី រតនា ដោយជូនពរដល់គាត់សំរាប់ថ្ងៃពិសេស សូមមានសុភមង្គល និងជោគជ័យក្នុងការងា ៕

អត្ថបទ៖ ឡុង រតនា