CTN ស្វាគមន៍ឆ្នាំថ្មីជាមួយនឹងកម្មវិធីថ្មីប្លែកៗ ព្រមទាំងខ្សែភាពយន្តភាគដ៏ល្បីៗជាច្រើន

៣ ឆ្នាំមុន

ខែមករា ១៨, ២០១៩ កម្សាន្ត

បន្ទាប់ពីឈរជើងជាទូរទស្សន៍ឈានមុខគេនៅកម្ពុជាអស់រយៈពេល ១៥ ឆ្នាំមកនេះ CTN នៅតែបន្តខិតខំពាំនាំនូវអ្វីដែលថ្មីៗមកបម្រើចំណីអារម្មណ៍សម្រាប់ទស្សនិកជន។ ជាក់ស្តែង នៅក្នុងឆ្នាំ២០១៩ នេះ CTN បានរៀបចំកម្មវិធីថ្មីៗ ព្រមទាំងខ្សែភាពយន្តភាគល្បីៗជាច្រើន សម្រាប់ជាចំនងដៃជូនទៅដល់ទស្សនិកជនរបស់ខ្លួន។ តើឆ្នាំថ្មីនេះ CTN មានអ្វីថ្មីខ្លះសម្រាប់បម្រើអារម្មណ៍ទស្សនិកជន?

រឿង ផ្កាយមារ ៖ ខ្សែភាពយន្តភាគបែបបុរាណខ្មែរដំបូង ដែលCTN នឹងចាក់បញ្ចាំងតាមកញ្ចក់ទូរទស្សន៍។ ភាពយន្តភាគទូរទស្សន៍មួយនេះ ចូលរួមសម្តែងដោយតារាល្បីៗ និងមានបទពិសោធន៍សម្តែងជាច្រើនឆ្នាំដូចជា តារា សម្តែងជើងចាស់លោក ទេព រិនដារ៉ូ លោកញ៉ែម សុគន្ធ កញ្ញា ម៉ាក សែនសូនីតា អ្នកនាង អេង វ៉ាន់ណង កញ្ញា ស្រី យ៉ាឡាង និងអ្នកនាង មាស សម្ផស្ស។រឿង ផ្កាយមារ នឹងមានផ្សាយជូនទស្សនារៀងរាល់ថ្ងៃច័ន្ទដល់សុក្រ ក្នុងពេលឆាប់ៗនេះ។

ខ្សែភាពយន្តឥណ្ឌារឿង អាឡាដាំង៖ ទស្សនិកជនប្រាកដជានៅចងចាំតួប្រុសក្នុងរឿង ព្រះបាទអាសោក ហើយពេលនេះគាត់បានត្រលប់មកវិញជាមួយនឹងខ្សែភាពយន្តភាគថ្មីដ៏ល្អឯកនោះគឺរឿង អាឡាដាំង។ ទស្សនិកជនដែលស្នេហាវិស័យភាពយន្តឥណ្ឌា នឹងជក់ចិត្តដិតអារម្មណ៍ជាមួយខ្សែភាពយន្តភាគមួយនេះជាក់ជាមិនខាន។

ខ្សែភាពយន្តភាគថៃរឿង វិមានមហាសាល៖ ខ្សែភាពយន្តភាគថៃរឿង វិមានមហាសាល នឹងមានផ្សាយជូនទស្សនារៀងរាល់ថ្ងៃច័ន្ទដល់ថ្ងៃសុក្រវេលាម៉ោង១២ថ្ងៃត្រង់។

កម្មវិធី វេនអ្នក៖ ការត្រឡប់មកវិញនៃកម្មវិធីដ៏គួរអោយចាប់អារម្មណ៍ គឺកម្មវិធី «វេនអ្នក» ដែលមានផ្សាយជូនទស្សនារៀងរាល់ថ្ងៃសុក្រម៉ោង១ថ្ងៃត្រង់ និងម៉ោង៨យប់។ កម្មវិធី វេនអ្នក នឹងលើកយកប្រធានបទថ្មីៗ ជាពិសេសកំពុងតែចាប់អារម្មណ៍ពីសំណាក់មហាជនទូទៅ ព្រមទាំងអញ្ជើញវាគ្មិនដែលមានជំនាញ មកធ្វើការបកស្រាយដើម្បីបំបាត់ចម្ងល់នានារបស់ទស្សនិកជន។

កម្មវិធី អាយ៉ៃព្រហ្មម៉ាញ៖ កម្មវិធី អាយ៉ៃព្រហ្មម៉ាញ នឹងចូលខ្លួនធ្វើអោយទស្សនិកជនផ្ទុះសំណើចជាមួយនឹងវោហារស័ព្ទរបស់ វិរៈសិល្បករ ក៏ដូចជាតារាអាយ៉ៃដ៏ល្បីប្រចាំប្រទេសរបស់យើង។កម្មវិធីនេះនឹងចាក់ផ្សាយជូនទស្សនារៀងរាល់ថ្ងៃព្រហស្បតិ៍វេលាម៉ោង៨យប់។

កម្មវិធី សំណើចតាមភូមិ៖ កម្មវិធី សំណើចតាមភូមិ ក៏មានវត្តមានផងដែររៀងរាល់ថ្ងៃច័ន្ទវេលាម៉ោង៨យប់ ដែលនឹងធានាធ្វើអោយសប្តាហ៍របស់លោកអ្នកផ្តើមដោយភាពរីករាយ។

កម្មវិធី យីកេ៖ ក្នុងគោលបំណងចូលរូមថែរក្សាសិល្បៈបុរាណខ្មែរ កម្មវិធី យីកេ ក៏មកបំពេរអារម្មណ៍បងប្អូនទស្សនិកជនរៀងរាល់ថ្ងៃពុធ វេលាម៉ោង៨យប់ដូចគ្នា។

កម្មវិធី ឧក្រិដ្ឋជន៖ កម្មវិធី ឧក្រិដ្ឋជន គឺជាកម្មវិធីថ្មីបែបស៊ើបអង្កេតរកអាថ៌កំបាំង នឹងបង្ហាញខ្លួនឆាប់ៗនេះដែរ ចង់ដឹងថាកម្មវិធីមានភាពប្លែកខុសពីកម្មវិធីដទៃទៀតយ៉ាងណា សូមរង់ចាំតាមដានការផ្សាយរបស់ CTN ទាំងអស់គ្នា។