Connect with us

ក្រុមហ៊ុន ដឹ ព្រេមៀ ស៊ិនធ័រ សែនសុខ បានចេញមកបំភ្លឺ ករណីដែលមានភ្ញៀវមួយរូប អះអាងថា ចោរបានឆ្កឹះរថយន្តគាត់

ភ្នំពេញ : ផ្នែកធនធានមនុស្ស និងរដ្ឋបាល នៃក្រុមហ៊ុន ដឹ ព្រេមៀ ស៊ិនធ័រ សែនសុខ បានចេញមកបំភ្លឺ ករណីដែលមានភ្ញៀវមួយរូប បានអះអាងថា ចោរបានឆ្កឹះរថយន្តគាត់ យកវត្ថុមានតម្លៃអស់ ។

យោងតាមលិខិតបំភ្លឺ ដែលបានផ្ញើមក MYTV Plus នៅថ្ងៃទី ១៩ ខែមករានេះ ក្រុមហ៊ុន ដឹ ព្រេមៀ ស៊ិនធ័រ បានលើកឡើងថា រឿងរ៉ាវដែលគណនីហ្វេសប៊ុក Niya Labee បានធ្វើការចោទប្រកាន់មកលើក្រុមហ៊ុន ថា មិនព្រមចូលរួមសហការដោះស្រាយ គឺមិនដូចដែលគាត់បានចោទប្រកាន់ឡើយ ។

ក្រុមហ៊ុន បានធ្វើការបកស្រាយ ថា ក្រុមហ៊ុន បានសហការនិងព្យាយាមដោះស្រាយជូនអតិថិជន ព្រមទាំងចូលរួមសហការជាមួយសមត្ថកិច្ចទៀតផង ។ ជាមួយនេះ រថយន្តដែលចតនៅកន្លែងចំណត មិនមានស្លាកស្នាមបាក់បែក ឬ ខូចខាតអ្វីទាំងអស់ គឺនៅរក្សាសភាពដើម មិនដូចការបកស្រាយរបស់ម្ចាស់រថយន្តឡើយ ។ ទន្ទឹមគ្នានេះ ក្រុមសន្តិសុខក្រុមហ៊ុន ដែលរក្សាសណ្ដាប់ធ្នាប់មិនមានឃើញសញ្ញារបស់ជនសង្ស័យណាមួយមកក្បែររថយន្តនោះឡើយ ។

ក្រុមហ៊ុន ក៏បានអះអាងថា នឹងចូលរួមសហការជាមួយសមត្ថ កិច្ចសង្កាត់ឃ្មួញ ក្នុងការស្រាវជ្រាវបន្ត ខណ:ដែល ម្ចាស់រថយន្តផ្ទាល់ ក្រោយពេលធ្វើការសាកសួររួចមក គាត់ ក៏មិនប្រាកដថា របស់គាត់ (Laptop និងលុយ) បានបាត់នៅពេលណាច្បាស់លាស់នោះដែរ ។

គួររំលឹកថា កាលពីសប្តាហ៍មុន គណនីហ្វេសប៊ុកមួយ ដែលមានឈ្មោះថា Niya Labee បានសសេរថា Premiere Sen Sok ចូលលើកទី១ទេ តែមិនគួរឲ្យជឿ របស់ដាក់ក្នុងឡានបាត់អស់ ដោយមិនដឹងមូលហេតុ!!! មិនមែនតិចតួច😭😭😭 . សូមឲ្យអ្នកយកទៅហើយពិការ និង ចុះនរកគ្រប់ជាតិ ហើយសូមឲ្យគ្រោះកម្មទាំងឡាយរលាយឆ្ងាយពីក្រុមគ្រួសារខ្ញុំទៅ ។
ថ្លែងប្រាប់ MYTV Plus កញ្ញា Niya Labee បានអោយដឹងថា គាត់បានប្តឹងទៅសន្តិសុខដែល យាមនៅទីតាំងដឹព្រេមៀ សែនសុខ ប៉ុន្តែពួកគេ មិនទទួលខុសត្រូវទេ គឺ ពួកគេយកតែថ្លៃចំណតប៉ុណ្ណោះ ។

Loading...

ពេញនិយម