ដាក់ខ្លួនដល់ម្លឹងផង! ព្រះនាង Meghan Markle គ្រងរ៉ូបម៉ាក H&M ដែលមានតម្លៃត្រឹមតែ…

វាមិនមែនជាការភ្ញាក់ផ្អើលនោះទេសម្រាប់ម្ចាស់ក្សត្រី និងខ្សែរាជវង្សក្នុងការស្លៀកសំលៀកបំពាក់ដែលមានតម្លៃរាប់ពាន់ដុល្លារ។ ប៉ុន្តែកាលពីពេលថ្មីៗនេះព្រះនាង Meghan Markle ដែលជាមហេសីព្រះអង្គម្ចាស់ Harry បានបង្កការភ្ញាក់ផ្អើលយ៉ាងខ្លាំងខណៈដែលទ្រង់ស្លៀកសំលៀកបំពាក់ រ៉ូបសម្រាប់ស្រ្តីមានផ្ទៃពោះម៉ាក H&M ដែលមានតម្លៃត្រឹមតែ ៣៨ ដុល្លារ តែប៉ុណ្ណោះ នៅពេលដែលទ្រង់យាងទៅ គ្លីនិកមួយកន្លែង។

ព្រះនាង Meghan ទទួលបានការសរសើរ និងការគោរពជាច្រើនដោយសារតែទ្រង់នៅតែមានសម្រស់ស្អាត និងមានភាពលេចធ្លោទោះបីជាទ្រង់ស្លៀករ៉ូបបែបសមញ្ញក៏ដោយ។ បន្ទាប់ពីឃើញ ទ្រង់បានស្លៀករ៉ូបមួយនេះមក មនុស្សម្នាបានសម្រុកទៅទិញរហូតដល់អស់គ្មានសល់ទៀតផង។ គួរបញ្ជាក់ផងដែរថា ខណៈពេលនេះទ្រង់កំពុងមានផ្ទៃពោះ ៦ខែហើយ ក្រោយរៀបអភិសេកបានរយៈពេលត្រឹមកន្លះឆ្នាំតែប៉ុណ្ណោះ។