Connect with us

គ្រូបង្វឹកក្រុម Qatar និយាយថា ក្រុមលោក អាចឈ្នះពានរង្វាន់ Asian Cup ២០១៩

អាស៊ី៖ យោងតាមលោក Felix Sanchez គ្រូបង្វឹកក្រុម Qatar បាននិយាយថា ក្រុមលោកអាចឈ្នះពានរង្វាន់ Asian Cup ជាលើកដំបូង។
ក្រុមម្ចាស់ផ្ទះ World Cup ឆ្នាំ២០២២ បានកក់កន្លែងរបស់ពួកគេក្នុងវគ្គ ១/៤ ផ្តាច់ព្រ័ត្រនៅ Asian Cup ជាមួយជ័យជំជម្នះ ១-០ លើក្រុមអ៊ីរ៉ាក់ កាលពីថ្ងៃអង្គារ។ ការទាត់បាល់ FreeKick របស់កីឡាករ Bassam Al Rawi នៅពាក់កណ្តាលតង់ទី២ គឺគ្រប់គ្រាន់ក្នុងការផ្តល់ Qatar ឈ្នះយ៉ាងកក់ក្ដៅនៅកីឡដ្ឋាន Al Nahyan ។
ក្រុម Qatar នឹងបន្តទៅជួបកូរ៉េខាងត្បូង ក្នុងវគ្គ៨ក្រុមចុងក្រោយ បន្ទាប់ពីបានឈានមកដល់វគ្គនេះ លើកដំបូងរបស់ពួកគេ ដែលការប្រកួតនោះ នឹងត្រូវធ្វើឡើងនៅថ្ងៃសុក្រ។
ទោះបីជាក្រុមរបស់លោក Sanchez នឹងក្លាយជាក្រុមដែលគេមើលរំលងក៏ដោយ ក៏គាត់មានជំនឿយ៉ាងមុតមាំទៅលើឱកាសក្នុងការបង្កើតប្រវត្តិសាស្រ្តនៃ Asian Cup។ លោក Sanchez បាននិយាយក្រោយពីការប្រកួតដែលបានទម្លាក់អ៊ីរ៉ាក់ថា ៖ “យើងអត់ធ្មត់ យើងត្រូវតែសម្របខ្លួន ។ នៅពេលដែលអ្នកឈានដល់ដំណាក់កាលនេះ អ្នកប្រាកដជាចង់ឈ្នះរាល់ការប្រកួត ហើយកីឡាកររបស់យើង បានបង្ហាញថា ពួកគេមានសមត្ថភាពអាចធ្វើបាន” ៕

ប្រភព៖ TrollKhmer

Loading...

ពេញនិយម