Connect with us

ផ្លូវការហើយ Chelsea ចុះហត្ថលេខាខ្ចីជើងខ្សែប្រយុទ្ធ Higuain ពីក្លិប Juventus

អង់គ្លេស៖ Chelsea បានចុះហត្ថលេខាខ្ចីជើងខ្សែប្រយុទ្ធ Gonzalo Higuain របស់ក្លិប Juventus សម្រាប់ការប្រកួតដែលនៅសេសសល់។ នៅក្នុងការខ្ចីជើងនេះដែរ ក៏មានជម្រើសក្នុងការទិញក្នុងតម្លៃ ៣៦លានអឺរ៉ូ នៅពេលកុងត្រាខ្ចីផុតកំណត់ តែបើការចរចាទិញមិនត្រូវរ៉ូវគ្នារវាងក្លិបទាំង២ នោះ ក្រុមតោខៀវ ក៏មានជម្រើសក្នុងការពង្រីកកិច្ចព្រមព្រៀងខ្ចីជើងរហូតដល់ខែមិថុនាឆ្នាំ ២០២០ ក្នុងតម្លៃ ១៨លានអឺរ៉ូ។

Higuain បាននិយាយថា៖ “នៅពេលឱកាសដើម្បីចូលរួមជាមួយ Chelsea បានមកដល់ ខ្ញុំត្រូវតែចាប់យកវា។ នេះគឺជាក្រុមមួយដែលខ្ញុំតែងតែចូលចិត្ត និងមានប្រវត្តិជាច្រើន ហើយពួកគេលេងនៅក្នុងក្របខ័ណ្ឌ Premier League ជាលីហ្គដែលខ្ញុំតែងតែចង់ទៅលេង”។

ខណៈដែលកិច្ចព្រមព្រៀងជាមួយក្លិបចាស់ មិនត្រូវបានបញ្ចប់មុនថ្ងៃពុធ ដូច្នេះ រូបគាត់មិនអាចលេងនៅក្នុងការប្រកួតវគ្គពាក់កណ្តាលផ្តាច់ព្រ័ត្រ Carabao Cup ជាមួយនឹង Tottenham នៅថ្ងៃព្រហស្បតិ៍បានឡើយ៕

ប្រភព៖ TrollKhmer

Loading...

ពេញនិយម