តើសម្តេចតេជោ ហ៊ុន សែន សរសើរ តារាចម្រៀង ខេម ថាជាមនុស្សយ៉ាងម៉េច?

សម្តេចតេជោនាយករដ្ឋមន្ត្រី ហ៊ុន សែន បានសរសើរតារាចម្រៀង ខេម ថាជាតារាចម្រៀងពិសេសមួយរូប ដែលមានសំឡេងស្អក តែច្រៀងពិរោះ។ ម្ចាស់បទ « គ្មានអ្នកណាចង់ក្រ » រូបនេះ ត្រូវបានសម្តេចតេជោ សរសើរមិនដាច់ពីម៉ាត់ នៅក្នុងកម្មវិធីសំណេះសំណាលជាមួយនឹងកម្មករ កម្មការិនី មកពីរោងចក្រ សហគ្រាសចំនួន១២ ក្នុងខេត្តកំពត នាព្រឹកថ្ងៃទី២៥ ខែមករា ឆ្នាំ២០១៩ នេះ។

សម្តេចបានបញ្ជាក់ថា ខេមតែងបានផ្ញើបទចម្រៀងជូនសម្ដេចស្តាប់ ហើយត្រូវបានសម្តេចកោតសរសើរ មិនដាច់ ពីមាត់ថែមទៀតផង។ ក្រៅពីនេះ សម្ដេចតេជោបានមានប្រសាសន៍ថា សម្តេចមិនចេះច្រៀងក៍ពិតមែន តែចូលចិត្តស្ដាប់ចម្រៀង ហើយក្នុងទូរស័ព្ទសម្ដេចផ្ទាល់មានបញ្ចូលបទចម្រៀងពិរោះៗរាប់ពាន់បទ៕