Connect with us

ក្រុងតាខ្មៅ មានសង្កាត់សរុបចំនួន១០ ក្រោយរាជរដ្ឋាភិបាល កាត់៤ឃុំពីស្រុកស្អាង

កណ្តាល ៖ ចំនួនសង្កាត់ក្នុងក្រុងតាខ្មៅ ទីរួមខេត្តកណ្តាល បានកើនឡើងដល់ ១០សង្កាត់ ក្រោយពេលដែលរាជរដ្ឋាភិបាល បានចេញអនុក្រឹត្យដោយកាត់យកឃុំចំនួន៤ ពីស្រុកស្អាង ។
សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញអនុក្រឹត្យ ដោយបានកែសម្រួលព្រំប្រទល់រដ្ឋបាលរវាងក្រុងតាខ្មៅ ជាមួយស្រុកស្អាង និង ស្រុកកណ្តាលស្ទឹង ខេត្តកណ្តាល ដោយកាត់យកឃុំចំនួន៤ ពីស្រុកស្អាង គឺ ឃុំស្វាយរលំ ឃុំកោះអន្លង់ចិន ឃុំសិត្បូ ឃុំរការខ្ពស់ និង ដីមួយផ្នែកនៃស្រុកកណ្តាលស្ទឹង មកឲ្យក្រុងតាខ្មៅ ។
ជាមួយគ្នានេះ ឃុំទាំង៤ ដែលទើបកាត់ ត្រូវបានដូរជាសង្កាត់ទាំងអស់ ដែលធ្វើអោយក្រុងតាខ្មៅ មានសង្កាត់សរុប នាពេលបច្ចុប្បន្នចំនួន ១០ រួមមាន ១. សង្កាត់តាខ្មៅ ២.សង្កាត់ដើមមៀន ៣. សង្កាត់កំពង់សំណាញ់ ៤. សង្កាត់ព្រែកឬស្សី ៥.សង្កាត់ព្រែកហូរ ៦. សង្កាត់តាក្តុល ៧.សង្កាត់ស្វាយរលំ ៨.សង្កាត់កោះអន្លង់ចិន ៩. សង្កាត់សិត្បូ និង សង្កាត់រកាខ្ពស់ ៕

  

  • អត្ថបទទាក់ទង :
  • Featured
Loading...

ពេញនិយម