ក្លិប Inter ថា Perisic ចង់ចាកចេញ តែ Arsenal ពុំទាន់ស្នើសុំទិញពិតប្រាកដនៅឡើយទេ

២ ឆ្នាំមុន

ខែមករា ២៩, ២០១៩ កីឡា

អ៊ីតាលី៖ លោក Beppe Marotta ប្រធានក្លិប Inter បានឲ្យដឹងថា ជារឿងលំបាកណាស់ក្នុងការរក្សាទុកកីឡាករ Ivan Perisic ដែលមិនចង់ស្នាក់នៅ Inter ប៉ុន្តែ លោក បានអះអាងថា គ្មានការផ្តល់ឲ្យបានពិតប្រាកដពី Arsenal ឡើយ ។
កីឡាករ Perisic ត្រូវបានគេរាយការណ៍ថា បានយល់ព្រមលក្ខខណ្ឌផ្ទាល់ខ្លួនជាមួយ Arsenal ហើយក្រុមកាំភ្លើងធំ បានស្នើរទៅ Inter Milan សុំខ្ចីកីឡាករក្នុងលក្ខខណ្ឌទិញផ្តាច់ក្នុងទឹកប្រាក់ ៣៤.៥ លានផោន តែត្រូវបានក្លិបនៅអ៊ីតាលីច្រានចោល ។
ប្រធានក្លិប Inter បានប្រាប់កាសែត Calciomercato.com ថា៖ “ខ្ញុំនិយាយម្តងហើយម្តងទៀតថា វាលំបាកណាស់ក្នុងការរក្សាកីឡាករដែលមិនចង់ស្នាក់នៅ ប៉ុន្តែមិនមានសំណើរណាមួយពិតប្រាកដនៅឡើយទេ ដូច្នេះវាគ្មានហេតុផលទេ សម្រាប់គាត់ដើម្បីចាកចេញពេលឥឡូវនេះ “៕