តារាជាប់ខ្សែស្រឡាយចិន លោក អេឡិច ចាន់ត្រា បានតុបតែងផ្ទះរួចហើយ សម្រាប់បុណ្យចូលឆ្នាំចិន

ភ្នំពេញ ៖ ពេលវេលាកាន់តែខិតជិតមកដល់ហើយសម្រាប់ប្រជាពលរដ្ឋ ដែលជាប់ខ្សែស្រឡាយចិន ពោល គឺនៅសល់តែ នៅសល់តែ៤ថ្ងៃទៀតតែប៉ុណ្ណោះ ដែលពិធីបុណ្យប្រពៃណីចិន នឹងចាប់ផ្តើម ។
បើក្រឡេកមើល មកតារាសម្តែង តារាចម្រៀង និងតារាកំប្លែងកម្ពុជាវិញ មិនសូវទាន់ឃើញមានការបង្ហោះរូបភាពទាក់ទងថ្ងៃបុណ្យចូលឆ្នាំចិននេះឡើយ ។ ប៉ុន្តែថ្មីៗនេះ ឃើញមានតារាសម្តែង និង ម៉ូឌែលខ្មែរម្នាក់គត់ បានបង្ហោះរូបភាពក្នុងការរៀបចំតុបតែងសំរាប់ថ្ងៃបុណ្យចូលឆ្នាំចិន គឺ លោក អេឡិច ចាន់ត្រា ។
លោក អេឡិច ចាន់ត្រា គាត់បានសរសេរថា « បានរៀបចំតុបតែងផ្ទះរួចជាស្រេច សំរាប់ថ្ងៃចូលឆ្នាំចិន ដែលនឹងមកដល់ក្នុងពេលឆាប់ៗនេះ» ។
ហ្វេនរបស់គាត់ជាច្រើន ក៏បានជូនពរគាត់ សូមអោយមានសុភាពល្អ ដោយ អ្នកខ្លះបានសរសេរថា «កុងស៊ី ហ្វាកឆាយ» ។
សូមបញ្ជាក់ថា ពិធីសែនចូលឆ្នាំប្រពៃណីចិន នឹងប្រារព្ធធ្វើឡើងនៅថ្ងៃទី ៤ ខែកុម្ភៈ ឆ្នាំ២០១៩ ហើយពិធីចូលឆ្នាំចិន នឹងចាប់ផ្តើមពីថ្ងៃទី ៥ ដល់ថ្ងៃទី ៧ ខែកុម្ភៈ ៕

អត្ថបទ៖ ឡុង រតនា