Connect with us

កាន់តែ​ងាយស្រួល​ ​អគ្គនាយក​ដ្ឋាន​អន្តោប្រវេសន៍​ ​ដាក់ឲ្យ​ដំណើរការ​ច្រក​ទ្វារ​ ​E​-​gates​ ​ដោយ​មិន​បោះត្រា​ចេញ​-​ចូល​

​ភ្នំពេញ​៖​ ​អគ្គនាយក​ដ្ឋាន​អន្តោប្រវេសន៍​ ​នៅ​ព្រឹក​ថ្ងៃសុក្រ​ ​ទី០១​ ​ខែកុម្ភៈ​ ​ឆ្នាំ២០១៩​ ​ដាក់ឲ្យ​ដំណើរការ​នូវ​ច្រក​ទ្វារ​ ​E​-​gates​ ​ដោយ​មិន​បោះត្រា​ចេញ​-​ចូល​ ​លើ​លិខិតឆ្លងដែន​អេ​ឡិក​ត្រូ​និក​ ​(​ ​E​-​passports​ ​)​ ​ដើម្បី​ជួយ​បង្ក​លក្ខណៈ​ងាយស្រួល​ដល់​ការ​ចេញ​-​ចូល​របស់​ពលរដ្ឋខ្មែរ​ ​។​

​ថ្លែង​នៅ​អាកាសយាន​ដ្ឋាន​អន្តរជាតិ​ភ្នំពេញ​ ​នាយ​ឧត្តមសេនីយ៍​ ​គៀត​ ​ច័ន្ទ​ថា​រឹ​ទ្ធ​ ​អគ្គនាយក​ ​នៃ​អគ្គនាយក​ដ្ឋាន​អន្តោប្រវេសន៍​ ​បាន​បញ្ជាក់​ថា​ ​ការ​ដាក់​ឱ្យ​ដំណើរការ​ប្រើប្រាស់​ជាលើកដំបូង​ប្រព័ន្ធ​ច្រក​ទ្វារ​អេ​ឡិច​ត្រូ​និច​(​E​-​gates​)​នេះ​ ​នឹង​សម្រួល​ឲ្យ​អ្នកធ្វើ​ដំណើរ​តាម​ច្រក​ទ្វារ​អាកាស​យាន្ត​ដ្ឋាន​អន្តរជាតិ​ភ្នំពេញ​ ​និង​ខេត្តសៀមរាប​ ​ដែល​ជា​ប្រជាពលរដ្ឋ​ខ្មែរ​ ​ចេញ​-​ចូល​ ​ដោយ​មិនបាច់​ទៅកាន់​បញ្ជរ​ដែល​មាន​មន្ត្រី​អន្តោប្រវេសន៍​ ​ធ្វើការ​ដូច​មួយ​សព្វមួយដង​ទេ​ ​។​



​នាយ​ឧត្តមសេនីយ៍​ ​គៀត​ ​ច័ន្ទ​ថា​រឹ​ទ្ធ​ ​មានប្រសាសន៍​បន្ត​ថា​ ​ដំណើរការ​ ​នៃ​ម៉ាស៊ីន​នេះ​ ​មាន​ភាព​ងាយស្រួល​ ​សម្រាប់​ប្រជាពលរដ្ឋ​យើង​ ​គឺ​គាត់​ចំណាយពេល​តិច​ ​លឿន​រហ័ស​ ​ជា​សេវា​ដែល​ធ្វើ​ដោយខ្លួនឯង​ ​ហើយ​ប្រព័ន្ធ​នេះ​ ​បង្ក​លក្ខណៈ​ងាយស្រួល​ច្រើន​ ​ដែល​ធ្វើឲ្យ​អ្នកដំណើរ​ជា​ប្រជាពលរដ្ឋ​ខ្មែរ​ ​សប្បាយរីករាយ​ ​ក្នុង​ការ​ធ្វើដំណើរ​ឆ្លងកាត់​ចេញ​-​ចូល​។​

​នាយ​ឧត្តមសេនីយ៍​ ​គៀត​ ​ច័ន្ទ​ថា​រឹ​ទ្ធ​ ​បញ្ជាក់​ថា​ ​ប្រព័ន្ធ​នេះ​ ​មានផល​ប្រយោជន៍​ ​ផ្តល់​ភាព​ងាយស្រួល​ដល់​ប្រជាពលរដ្ឋ​ចេញ​-​ចូល​បាន​លឿន​រហ័ស​ ​ក៏បាន​ជួយ​សមត្ថកិច្ច​គ្របគ្រង​ទិ​ន្ន័​យ​ ​នៅក្នុង​ប្រព័ន្ធ​មួយ​ច្បាស់លាស់​ជា​ពេលមុន​ផង​ដែរ​ ​ទាំង​ការ​ផ្ទៀងផ្ទាត់​អត្តសញ្ញា​ណ​ផ្សេង​ៗ​។​



​នាយ​ឧត្តមសេនីយ៍​ ​បាន​គូសបញ្ជាក់​ថា​ ​ការ​ដាក់អោយ​ដំណើរការ​ម៉ាស៊ីន​ស្វ័យ​ប្រព័ន្ធ​នេះ​ ​គឺ​អាច​ជួយ​ដល់​អង្គភាព​ ​ប៉ុស្តិ៍​នគរបាល​ច្រក​ទ្វារ​ទាំង២​ ​(​ប៉ុស្តិ៍​អាកាស​យាន្ត​ដ្ឋាន​អន្តរជាតិ​ភ្នំពេញ​ ​និង​សៀមរាប​)​ ​បាន​ច្រើន​ ​ព្រោះ​ដោយសារ​អត់មាន​ម៉ាស៊ីន​នេះ​ ​គឺ​អ្នកដំណើរ​ពី២៥​-​៣០​%​ ​នៃ​អ្នកដំណើរ​រួម​ ​ដែល​ជា​ពលរដ្ឋខ្មែរ​ ​ត្រូវការ​មន្ត្រី​ជា​អ្នកពិនិត្យ​ ​រៀបចំ​និង​ផ្តល់​សេវា​ជូន​ ​។​ ​ពេល​គាត់​ប្រើប្រាស់​ម៉ាស៊ីន​នេះ​ ​មន្ត្រី​ ​អាច​ធូរស្រាល​បាន២០​-​៣០​%​ ​ដោយ​ប្រជាពលរដ្ឋ​ ​ចំណាយពេល​ត្រឹម៥ទៅ៧វិនាទី​ ​សម្រាប់​អ្នកដំណើរ​ម្នាក់​។​

​ក្នុង​ការ​ដាក់អោយ​ដំណើរការ​ម៉ាស៊ីន​នេះ​ ​ក៏​មាន​បញ្ហា​បន្តិចបន្តួច​ ​ដោយមាន​លិខិតឆ្លងដែន​ ​១​ ​ឬ២​ ​ដែល​ម៉ាស៊ីន​មិន​អាន​ ​ដោយសារ​ ​លិខិតឆ្លងដែន​នោះ​ ​មាន​បញ្ហា​ឈិប​(​Chip​)​ ​ចាស់​ពេក​ ​ឬ​សង្កត់​បាក់​ ​។​ល​។​ ​ហើយ​សមត្ថកិច្ច​ ​ក៏​ត្រៀម​បញ្ជរ​ផង​ដែរ​ ​សម្រាប់​អ្នកដំណើរ​ដែល​ជួប​បញ្ហា​ខាងលើ​ផង​ដែរ​៕​

  • អត្ថបទទាក់ទង :
  • Featured
Loading...

ពេញនិយម