ពិតជារំភើបមែនទែន! សាឡិ បានការគាំទ្រយ៉ាងខ្លាំងពីសំណាក់ពលរដ្ឋចិន នៅទីក្រុងប៉េកាំង

ប្រទេសចិន ៖ ពិតជាមិននឹកស្មានដល់មែន ធុធ សាឡិ ដែលជាកុមារកម្ពុជា ចេះនិយាយដល់១៥ ភាសា បានទទួលការស្វាគមន៍ និងគាំទ្រយ៉ាងខ្លាំងពីពលរដ្ឋចិន ដែលបានចូលរួមពិធីមួយ រៀបចំឡើងនៅរដ្ឋធានីប៉េកាំង ប្រទេសចិន ។ សាឡិ បានទៅដល់ទីក្រុងប៉េកាំង កាលពីពេលថ្មីៗនេះ ក្រោមការរៀបចំពីក្រុមហ៊ុនបុរីមួយ ដើម្បី បង្ហាញជូនដល់ពលរដ្ឋចិនដែលជាអ្នកគាំទ្រសាឡិ ក្រោយពីពួកគេ បានទស្សនាវីដេអូ ដែលបង្ហាញពីសមត្ថភាពដ៏អស្ចារ្យរបស់សាឡិ ក្នុងការនិយាយភាសារហូតដល់ទៅ ១៥ ។

តាមរយៈរូបភាពវីដេអូ ដែលបង្ហោះក្នុងបណ្តាញទំនាក់ទំនងសង្គម បានបង្ហាញអោយឃើញពីការស្វាគមន៍យ៉ាងកក់ក្តៅពីសំណាក់ពលរដ្ឋចិនដែលមកចូលរួមក្នុងកម្មវិធី ជាមួយនឹងការថតរូប អនុស្សាវរីយ៍ជាមួយសាឡិ មើលហើយរំភើបស្រក់ទឹកភ្នែក ។
សូមបញ្ជាក់ថា ធុធ សាឡិ មានអាយុទើបតែ១០ឆ្នាំប៉ុណ្ណោះ កើតក្នុងគ្រួសារមួយ នាខេត្តសៀមរាប ហើយសាឡិ អាចនិយាយបានទៅ១៥ភាសានេះ គឺដោយសារតែគាត់ បានដើរលក់វត្ថុអនុស្សាវរីយ៍តាំងពីតូច អោយភ្ញៀវទេសចរជនបរទេស ដែលមកលេងកម្សាន្តនៅតំបន់អង្គរ ៕
ក្នុងកម្មវិធី សាឡិក ក៏បានសម្តែងជាអ្នកលក់វត្ថុអនុស្សាវរីយ៍ និង ច្រៀងចម្រៀងជាភាសាចិន ដែលធ្វើឱ្យពលរដ្ឋចិន មានការភ្ញាក់ផ្អើលមែនទែន ៕

សូមទស្សនាវីដេអូ៖