សប្តាហ៍កំពូលស៊យសម្រាប់ក្លិបដែលកំពុងស្ថិតនៅកំពូលតារាងនៃលីគធំ៤

៣ ឆ្នាំមុន

ខែកុម្ភៈ ៤, ២០១៩ កីឡា

បរទេស÷ វាដូចជារឿងគាប់ជួនពេកហើយ សម្រាប់ក្លិបដែលកំពុងឈរនៅកំពូលតារាងនៃលីគដ៏ធំ៤របស់ពិភពលោក គឺ Bundesliga របស់អាល្លឺម៉ង់, Serie A របស់អ៊ីតាលី, La Liga របស់អេស៉្បាញ និង Ligue 1 របស់បារាំង បែរជាជួបលទ្ធផលមិនសមប្រកបដូចគ្នាក្នុងសប្តាហ៍នេះ ។ ក្លិបទាំងនោះរួមមាន ÷

១. Dortmund គឺជាក្លិបមួយដែលជាគូប្រជែងដ៏ស្វិតស្វាញជាមួយនឹងក្លិបយក្សអាល្លឺម៉ង់ Bayern Munich គឺបានត្រឹមតែសោកស្តាយបន្ទាប់ពីបាននាំមុខក្រុមម្ចាស់ផ្ទះ Frankfurt ១មុនទៅហើយ តែក្រុមម្ចាស់ផ្ទះបានតាមស្មើវិញរហូតដល់ចប់ការប្រកួត ។ ដោយឡែក ក្រុម Bayern Munich បានទទួលបរាជ័យក្រោមថ្វីជើងក្រុម Bayern Leverkusen ក្នុងលទ្ធផល ៣ទល់នឹង១។

២. Juventus ជាក្រុមដែលកំពុងឡើងជើងខ្លាំង បន្ទាប់ពីមានវត្តមានកំពូលកីឡាករព័រទុយហ្គាល Ronaldo និងកំពុងឈរនៅលើគេក្នុងលីគកំពូលអ៊ីតាលី ក៏បានត្រឹមតែលទ្ធផលស្មើគ្នា ៣ទល់នឹង៣ ជាមួយក្រុមភ្ញៀវ Parma ដោយគ្រាប់បាល់តាមស្មើរបស់ក្រុមភ្ញៀវ គឺរកបាននៅនាទី ៩០+៣ ទៅហើយ។

៣. ក្លិបយក្សដែលមានមូលដ្ឋានក្នុងទីក្រុងកាន់តាឡាន់ គឺក្រុម Barcelona ឯណោះវិញ ក៏បានត្រឹមតែខកចិត្តក្នុងផ្ទះខ្លួនឯង បន្ទាប់ពីបានត្រឹមតែស្មើគ្នា ក្នុងលទ្ធផល ២ទល់នឹង២ ជាមួយក្រុមភ្ញៀវ Valencia ។ ក្រុមភ្ញៀវ បាននាំមុខមុន២គ្រាប់ តែសំណាងល្អដែលកំពូលកីឡាករសញ្ជាតិអាហ្សង់ទីន Lionel Messi អាចស្វែងរកគ្រាប់បាល់បានចំនួន ២គ្រាប់តាមពីក្រោយវិញ។

៤. កំសត់អីតែក្រុមកំពូលតារាងនៃលីគកំពូលរបស់ប្រទេសបារាំង គឺក្រុមអ្នកមាន Paris Saint-Germain ដែលដុនដាបជាងគេ គឺបានប្រកួតចាញ់ក្រុមម្ចាស់ផ្ទះ Lyon ក្នុងលទ្ធផល ២ទល់នឹង១ ។ ក្នុងការប្រកួតនេះ គឺក្រុមភ្ញៀវ Paris Saint-Germain ជាអ្នកបើកការនាំមុខមុនដោយកីឡាករ Angel Di Maria នៅនាទីទី ៧ តែក្រុមម្ចាស់ផ្ទះបានវាយបករហូតយកឈ្នះ ដោយកីឡាករ Dembélé នៅនាទី ៣៣ និង Fekir នៅនាទី៤៩ ។