កុមារ​ជាង​ ​១០០នាក់​ ​នៃ​ភូមិ​កុមារ​អរុណរះ​ ​បាន​ទទួលការ​ពិនិត្យ​ ​និង​ព្យាបាល​ជំងឺ​មាត់​ធ្មេញ​

កណ្តាល​ ​៖​ ​កុមារ​ ​ចំនួន១៣៣នាក់​ ​នៅ​ភូមិ​កុមារ​អរុណរះ​នៃ​អង្គការ​ ​The​ ​Australia​ ​Cambodia​ ​foundation​ ​ត្រូវ​បាន​សមាគម​គ្រូពេទ្យ​ស្ម័គ្រចិត្ត​ ​ចុះ​ពិនិត្យ​ ​និង​ព្យាបាល​ ​ក្រោម​ការ​យកចិត្ត​ទុកដាក់​ពីសំណាក់​លោក​ ​ហ៊ុន​ ​ម៉ា​ណែ​ត​ ​និង​លោកស្រី​ ​ពេជ​ ​ចន្ទ​មុ​ន្នី​ ​ប្រធាន​ក្រុមប្រឹក្សា​ភិបាល​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេជោ​(​TYDA​)​ ​និង​ ​មានការ​ចូលរួម​ពី​សាស្ត្រា​ចារ្យ​វេជ្ជបណ្ឌិត​ ​និង​ ​កម្លាំង​ស្ម័គ្រចិត្ត​ជាច្រើន​ ​។​ ​

​នេះ​ជា​លើក​ទី៨ហើយ​ ​ដែល​លោក​ ​ហ៊ុន​ ​ម៉ា​ណែ​ត​ ​និង​លោកស្រី​ ​ពេជ​ ​ចន្ទ​មុ​ន្នី​ ​បាន​យកចិត្ត​ទុកដាក់​ចំពោះ​សុខទុក្ខ​ ​សុខមាលភាព​ ​ការសិក្សា​ ​និង​ការរស់នៅ​របស់​កុមារ​នៅក្នុង​អង្គការ​មួយ​នេះ​ ​ដោយ​ផ្តល់​ការពិនិត្យ​ព្យាបាល​ ​ព្រមទាំង​ផ្ដល់​នូវ​គ្រឿងឧបភោគបរិភោគ​ ​និង​សម្ភារ​សិក្សា​។​

លោកស្រី​ ​Garaldine​ ​នាយិកា​អង្គការ​ ​The​ ​Australia​ ​Cambodia​ ​foundation​ ​បាន​លើកឡើង​ថា​ ​សកម្មភាព​មនុស្សធម៌​របស់​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេជោ​ ​(​TYDA​)​ ​ពិតជា​បាន​បង្ហាញ​ពី​ការ​យកចិត្ត​ទុកដាក់​ចំពោះ​សុខភាព​ ​ការរស់នៅ​ ​និង​ការសិក្សា​របស់​កុមារ​ ​និង​បុគ្គលិក​នៅ​ទីនេះ​ ​។​ ​លោកស្រី​ ​នាយិកា​រ​អង្គការ​ ​បាន​ថ្លែងអំណរគុណ​ចំពោះ​សកម្មភាព​មនុស្សធម៌​ដ៏​មានតម្លៃ​នេះ​ ​និង​ពិតជា​មានចិត្ត​រំភើប​សប្បាយរីករាយ​ ​៕​