Connect with us

តំណែង​របស់​លោក​ ​Sarri​ ​នៅ​ ​Chelsea​ ​ស្ថិត​ក្នុង​ស្ថានភាព​រង្គោះរង្គើ​ ​ក្រោយ​ចាញ់​យ៉ាង​អាម៉ាស់​កាលពីយប់មិញ​

អង់គ្លេស​ ​៖​ ​គ្រូបង្វឹក​របស់​ក្រុម​តោ​ខៀវ​ ​Chelsea​ ​បាន​និយាយផ្ទាល់មាត់​ថា​ ​ការងារ​របស់​គាត់​ ​គឺ​កំពុង​រង្គោះរង្គើ​ខ្លាំង​ ​បន្ទាប់ពី​បាន​ចាញ់​ក្រុម​ ​Manchester​ ​City​ ​យ៉ាងធ្ងន់ធ្ងរ​ ​ក្នុង​នោះ​ត្រឹម​ ​២៥នាទី​សោះ​ ​ត្រូវ​បាន​ក្រុម​ ​Manchester​ ​City​ ​ស៊ុត​ចូល​ដល់ទៅ​ ​៤គ្រាប់​ ​។​ ​

ខ្សែប្រយុទ្ធ​ ​Aguero​ ​រកបាន​បី​គ្រាប់​ ​ដែល​បាន​រុញ​ឲ្យ​ក្រុម​របស់​ខ្លួន​ឡើង​ទៅ​ឈរ​នៅ​កំពូល​តារាង​ ​ដោយមាន​ ​៦៥ពិន្ទុ​ស្មើ​ជាមួយ​ក្រុម​ ​Liverpool​ ​ប៉ុន្តែ​ក្រុម​របស់​លោក​ ​Klopp​ ​គឺ​នៅសល់​ ​១ប្រកួត​ក្នុង​ដៃ​ ​។​ ​

​ចំនែក​ក្រុម​របស់​លោក​ ​Maurizio​ ​Sarri​ ​វិញ​បាន​ធ្លាក់​ទៅដល់​លេខ​ ​៦​ ​ដែល​ធ្វើឲ្យ​ជោគវាសនា​របស់​គ្រូបង្វឹក​រូប​នេះ​ ​អាច​ដូច​ទៅ​នឹង​លោក​ ​Jose​ ​Mourinho​ ​បើសិនជា​លោក​ ​មិន​អាច​ស្វែងរក​លទ្ធផល​ប្រសើរ​ជាង​នេះ​ ​។​

​ឆ្លើយតបទៅនឹង​ក្រុម​អ្នកសារព័ត៌មាន​ ​លោក​ ​Sarri​ ​និយាយ​ថា​ ​”​ខ្ញុំ​មិនដឹង​ទេ​ ​បើ​អ្នក​ចង់​ដឹង​ច្បាស់​ ​ចូរ​សួរ​ទៅកាន់​ក្លិប​ទៅ​”​ ​។​ ​លោក​ ​Maurizio​ ​Sarri​ ​ក៏បាន​បន្ថែម​ថា​ ​”​ពួក​យើង​ធ្វើឲ្យ​បាត់បង់​គ្រាប់​បាល់​ត្រឹម​រយៈពេល​ ​៤នាទី​ ​ដោយសារតែ​ការ​លេង​ដ៏​ឆោតល្ងង់​ ​។​ ​កំឡុង​ពេលនោះ​ ​ពួក​យើង​គឺ​មិន​អាច​ធ្វើការ​កែប្រែ​ស្ថានការណ៍​អ្វី​បាន​សោះ​ឡើយ​ ​ក្រៅពី​ស្ថិតនៅ​ក្នុង​ការប្រកួត​ ​និង​សាង​កំហុស​ជាច្រើន​បន្ត​ទៀត​ ​។​ ​ពួកគេ​ ​(​Manchester​ ​City​)​ ​គឺ​ពិតជា​លេង​បាន​ល្អ​ខ្លាំង​ណាស់​នៅ​ថ្ងៃនេះ​ ​”​ ​។​

​សូម​បញ្ជាក់​ផង​ដែរ​ថា​ ​បន្ទាប់ពី​ចប់​ការប្រកួត​យប់មិញ​ ​លោក​ ​Maurizio​ ​Sarri​ ​បាន​បដិសេធ​នឹង​ការ​ចាប់ដៃ​គ្នា​ជាមួយ​លោក​ ​Pep​ ​Guardiola​ ​និង​បាន​ដើរចូល​ទៅ​ខាងក្នុង​ ​ដោយ​ទឹកមុខ​ដ៏​ក្រៀមក្រំ​បំផុត​ ​៕​

អត្ថបទដោយ៖ លីន រតនា

  • អត្ថបទទាក់ទង :
  • Featured
Loading...

ពេញនិយម