Connect with us

កញ្ញា​ ​យ៉ែម​ ​ស្រីពេជ្រ​ ​ចង់​គាំងបេះដូង​ក្រោយពេល​ជិះកង់​លើ​អាកាស​(មានវីដេអូ)

ភ្នំពេញ​៖​ ​តារា​សម្តែង​កំពុងពេញនិយម​ ​ដែល​ទទួល​បានការ​គាំទ្រ​ពី​ទស្សនិកជន​ ​កញ្ញា​ ​យ៉ែម​ ​ស្រីពេជ្រ​ ​កំពុង​មានការ​មមាញឹក​យ៉ាង​ខ្លាំង​ក្នុង​ការ​ថត​ខ្សែភាពយន្ត​ខ្នាត​ធំ​។​ ​មួយរយៈពេល​នេះ​កញ្ញា​ ​ស្រីពេជ្រ​ ​ទើបតែ​ទំនេរ​ក្រោយពី​ថត​បញ្ចប់​ ​«​MV​»​ ​ឱ្យ​ផលិតកម្ម​ ​«​សាន់​ដេ​»​ ​ជាមួយ​ ​នាយ​ ​ជឺម​ ​ក្នុង​បទ​ ​«​ជាង​ម៉ូតូ​មួយ​រស់​ៗ​ដូច​បង​»​ ​កញ្ញា​ក៏​ឆ្លៀតពេល​ទៅ​លម្ហែ​កាយ​នៅ​ខេត្ត​សៀមរាប​ ​ដើម្បី​បន្ធូរ​អារម្មណ៍​ ​ស្រាប់តែ​កញ្ញា​ ​ស្រីពេជ្រ​សាកល្បង​ជិះកង់​លើ​ខ្សែកាប​ ​នៅពេល​នោះ​គាត់​បាន​បញ្ជាក់​ពី​អារម្មណ៍​របស់​គាត់​ថា​ ​«​ស្ទើរ​ចង់​គាំងបេះដូង​ ​អស់កម្លាំង​នៅពេល​គាត់​មើល​ ​ទៅ​ក្រោយ​ ​ធ្វើ​ឱ្យ​គាត់​ចង់​ខ្សោយបេះដូង​វិញ​។​ ​

គាត់​និយាយ​ថា​ក្នុង​ពេលនោះ​មាន​អារម្មណ៍​ភ័យ​ណាស់​ទោះ​សុំ​គេ​ឈប់​ជិះ​ត្រឹម​ពាក់កណ្តាល​ផ្លូវ​ ​ក៏​ម្ចាស់​កន្លែង​ជួល​កង់​នោះ​ ​មិនព្រម​ឱ្យ​ឈប់​ដែរ​។​ ​កញ្ញា​បាន​បន្ត​ទៀត​ថា​៖​ ​«​ខ្ញុំ​ស្រែក​ផង​ ​យំ​ផង​នៅតែ​គាត់​មិនព្រម​។​»​
​តារា​សម្តែង​ ​កញ្ញា​ ​យ៉ែម​ ​ស្រីពេជ្រ​ ​មាន​អាយុ២២ឆ្នាំ​ ​ទើបតែ​បញ្ចប់​ថ្នាក់​បរិញ្ញា​ប័ត្រ​ថ្មី​ៗ​នេះ​ទេ​ ​សព្វថ្ងៃ​នេះ​គាត់​កំពុងតែ​រវល់​ជា​រឿង​ខ្នាត​ធំ៕​

សូមទស្សនាវីដេអូ៖

​អត្ថបទ​៖​ ​ឡុង​ ​រតនា​

Loading...

ពេញនិយម