Connect with us

កម្ពុជា​ ​-​ថៃ​ ​ផ្លាស់​ប្តូរ​បទពិសោធន៍​នៃ​ការ​ព្យាបាល​ស្តានី​តិ​សម្បទា​ ​អ្នក​ញៀន​គ្រឿងញៀន​

ប្រទេស​ថៃ​ ​៖​ ​មន្ត្រី​នៃ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​ ​បាន​ចូលរួម​សិក្ខាសាលា​ដើម្បី​ធ្វើការ​ផ្លាស់​ប្តូរ​បទពិសោធន៍​លើ​ការ​ព្យាបាល​ ​និង​ស្តានី​តិ​សម្បទា​អ្នក​ញៀន​គ្រឿងញៀន​ ​នៅ​ខេត្ត​ស៊ី​សាកេ​ត​ ​ប្រទេស​ថៃ​។​


​លោកស្រី​ ​ឧត្ដមសេនីយ៍ឯក​ ​ជ័យ​ ​បុប្ផា​ ​អគ្គលេខាធិការ​រង​នៃ​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​ ​ដែល​ជា​ប្រធាន​ដឹកនាំ​សិក្ខាកាម​ ​បាន​ថ្លែង​ថា​ ​រហូត​មកទល់​ពេលនេះ​ ​កម្ពុជា​-​ថៃ​ ​នៅតែ​បន្ត​ទទួលរង​ឥទ្ធិពល​ពី​ការ​ចរាចរ​គ្រឿងញៀន​ឆ្លងកាត់​ ​ដែល​មាន​ប្រភព​ទាំង​មក​ពី​ក្នុង​ ​និង​ក្រៅ​តំបន់​ ​។​ ​ការ​ចរាចរ​គ្រឿងញៀន​ឆ្លងកាត់​នេះ​ ​បាន​និង​កំពុង​បន្ត​បង្ក​នូវ​ផល​ប៉ះពាល់​យ៉ាងច្រើន​ដល់​សុខភាព​ ​និង​ជីវភាព​របស់​ប្រជាពលរដ្ឋ​ ​ប៉ះពាល់​ដល់​សន្តិសុខ​ ​សណ្តាប់​ធ្នាប់​សាធារណៈ​ ​និង​ការអភិវឌ្ឍន៍​សង្គម​ ​។​ ​
​លោកស្រី​ ​បាន​អោយ​ដឹងផង​ដែរ​ថា​ ​កម្ពុជា​ ​ក្នុង​ឆ្នាំ២០១៨កន្លងទៅ​ ​បាន​រក​ឃើញ​អ្នកប្រើ​ប្រាស់​គ្រឿងញៀន​ចំនួន​ ​ជាង២ម៉ឺន​នាក់​ ​ដែល​ចំនួន​នេះ​ ​គឺ​ ​មានការ​កើនឡើង​ ​បើ​ធៀប​នឹង​ឆ្នាំ២០១៧ដោយហេតុថា​ ​កម្ពុជា​ ​បាន​រក​ឃើញ​អ្នក​ញៀន​គ្រឿងញៀន​ ​ដែល​លាក់ខ្លួន​ពី​សមត្ថកិច្ច​ ​ហើយ​ស្ម័គ្រចិត្ត​ទៅ​ទទួលយក​សេវា​ព្យាបាល​នៅ​តាម​មណ្ឌល​បណ្តោះអាសន្ន​ ​និង​មូលដ្ឋាន​សុខាភិបាល​ក្នុង​សហគមន៍​ ​។​ ​


​ក្នុង​ឱកាស​នោះ​ដែរ​ ​លោកស្រី​ ​ឧត្ដមសេនីយ៍ឯក​ ​ជ័យ​ ​បុប្ផា​ ​បាន​ថ្លែងអំណរគុណ​ដល់​ក្រុមប្រឹក្សា​ត្រួតពិនិត្យ​គ្រឿងញៀន​ថៃ​ ​(​ONCB​)​ ​និង​ ​ក្រសួង​សុខភាព​សាធារណ​ថៃ​ ​ដែល​បាន​ផ្តល់​នូវ​កិច្ច​សហប្រតិបត្តិ​ការ​ល្អ​ ​គាំទ្រ​ជាបន្តបន្ទាប់​ ​ទាំង​លើ​ផ្នែក​ពង្រឹង​សមត្ថភាព​ ​សម្ភារ​បច្ចេកទេស​ ​ក៏ដូចជា​ថវិកា​ ​ដែល​ធ្វើ​ឱ្យ​ការងារ​ត្រួតពិនិត្យ​គ្រឿងញៀន​នៅ​កម្ពុជា​ ​មានការ​ប្រែប្រួល​ជា​វិជ្ជមាន​ពី​មួយឆ្នាំ​ទៅ​មួយឆ្នាំ​ ​។​
​លោក​វេជ្ជបណ្ឌិត​ ​សា​រ៉ា​យុទ្ធ​ ​ប៊ុ​ន​ចៃ​ផា​និច​វ​ឌ្ឍា​នា​ ​ប្រធាន​វិទ្យាស្ថាន​ជាតិ​ព្យាបាល​អ្នក​ញៀន​គ្រឿងញៀន​ថៃ​ ​(​PMNDAT​)​ ​បាន​កោត​សសើរ​ដល់​កិច្ច​ខិតខំ​របស់​ភាគី​កម្ពុជា​ ​លើ​ការងារ​ព្យាបាល​ស្តារ​នីតិសម្បទា​អ្នក​ញៀន​គ្រឿងញៀន​ ​ក៏ដូចជា​ការទប់ស្កាត់​ ​បង្រ្កាប​បទល្មើស​គ្រឿងញៀន​ឆ្លងកាត់​ព្រំដែន​ ​ថែរក្សា​បាន​នូវ​សន្តិសុខ​ជូន​ប្រជាពលរដ្ឋ​នៅ​តាម​បណ្តោយ​ព្រំដែន​ប្រទេស​ទាំងពីរ​ ​កម្ពុជា​-​ថៃ​ ​៕​

    Loading...

    ពេញនិយម