Connect with us

គ្រូថ្មីអេស្ប៉ាញ ថានឹងមិនផ្លាស់ប្តូររបៀបលេងរបស់ក្រុមទេ

គ្រូបង្វឹកថ្មីក្រុមជម្រើសជាតិអេស្ប៉ាញ លោក Luis Enrique ថា លោកនឹងនាំការផ្លាស់ប្តូរ មកដល់ក្រុមរបស់ខ្លួន តែវាមិនមែនជាការបដិវត្តន៍ទេ ហើយលោកក៏មិនផ្លាស់ប្តូររបៀបលេងរបស់ក្រុមដែរ។

អេស្ប៉ាញមានទម្រង់លេងដ៏ល្បីល្បាញមួយហៅថា Tiki-Taka ហើយពួកគេ ព្យាយាមប្រើវាក្នុងការប្រកួត FIFA World Cup 2018 កន្លងទៅ តែយ៉ាងណាក្តី ពួកគេមិនបានឡើងដល់វគ្គផ្តាច់ព្រ័ត្រទេ ដ្បិតទម្រង់នេះហាក់មិនទទួលជោគជ័យ។ លោក Enrique អោយដឹងក្នុងពិធីបង្ហាញខ្លួនជាផ្លូវការថា លោកចង់អោយក្រុមមានការផ្លាស់ប្តូរទៅរកភាពរីកចម្រើន តែមិនមែនជាការធ្វើបដិវត្តន៍ឡើយ។

យើងអាចបន្សំទម្រង់ផ្សេងៗទៅលើការលេងរបស់យើងធ្វើអោយវាកាន់តែល្អ តែយើងនឹងមិនផ្លាស់ប្តូរ ទម្រង់គ្រឺះរបស់យើងឡើយ។ នេះជាអ្វីដែលលោកតែងធ្វើ កាលដឹកនាំនៅ Barcelona។ គួរអោយដឹងថា ការមកដល់ របស់ លោក Luis Enrique ក្រោយ លោក Fernando Hierro បានចាកចេញទៅ ក្រោយអេស្ប៉ាញ បញ្ចប់យុទ្ធនាការ FIFA World Cup 2018 ដោយឡើងបានត្រឹមវគ្គ ១៦ក្រុមចុងក្រោយប៉ុណ្ណោះ៕

  • អត្ថបទទាក់ទង :
  • Featured
Loading...

ពេញនិយម

WP2Social Auto Publish Powered By : XYZScripts.com