Connect with us

សហព័ន្ធ​កីឡាបាល់ទាត់​កម្ពុជា​ ​នឹង​លក់​សំបុត្រ​ទស្សនា​ពាន​ ​AFF​ ​U22​ ​ចំ​ថ្ងៃ​ទិវា​នៃ​សេចក្ដី​ស្រឡាញ់​

ភ្នំពេញ​៖​ ​សហព័ន្ធ​កីឡាបាល់ទាត់​កម្ពុជា​ ​(​FFC​)​ ​បាន​ប្រកាស​ពី​តម្លៃ​ ​និង​កាលបរិច្ឆេទ​លក់​សំបុត្រ​ចូលរួម​ទស្សនា​ព្រឹត្តិ​ការណ៍​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​ដែល​កម្ពុជា​ទទួល​បាន​ធ្វើជា​ម្ចាស់ផ្ទះ​ ​ហើយ​ស្ថានីយ​ទូរទស្សន៍​ ​MyTV​ ​និង​ ​CTN​ ​ទទួល​បាន​សិទ្ធ​ផ្សាយ​ផ្ទាល់​ពី​ព្រឹត្តិ​ការណ៍​មួយ​នេះ​ ​។​

​សំបុត្រ​ ​នឹង​ចាប់ផ្ដើម​លក់​នៅ​ថ្ងៃទី១៤​ ​ខែកុម្ភៈ​ខាងមុខ​ ​ដែល​ត្រូវ​នឹង​ថ្ងៃ​ទិវា​នៃ​សេចក្ដី​ស្រឡាញ់​តែម្ដង​ ​ហើយ​ចំពោះ​តម្លៃ​សំបុត្រ​ ​ក៏​មិន​ខុសពី​សំបុត្រ​ចូល​ទស្សនាការ​ប្រកួត​រវាង​ក្រុម​ ​Cambodia​ ​All​ ​Stars​ ​ប៉ះ​ក្រុម​ ​Muangthong​ ​United​ ​និង​ការប្រកួត​របស់​ក្រុមជម្រើសជាតិ​កម្ពុជា​កន្លងមក​ដែរ​ ​ដោយ​រក្សា​តម្លៃ​ ​១០,០០០រៀល​ ​សម្រាប់​កន្លែង​អង្គុយ​មាន​កៅអី​ ​និង​តម្លៃ​ ​៥,០០០រៀល​ ​សម្រាប់​កន្លែង​អង្គុយ​ធម្មតា​។​ ​រី​ឯ​ទីតាំង​លក់​សំបុត្រ​ ​គឺ​នៅ​ពហុ​កីឡដ្ឋាន​ជាតិ​។​

​សម្រាប់​ព្រឹត្តិ​ការណ៍​ ​AFF​ ​U22​ ​LG​ ​CUP​ ​2019​ ​នឹង​ចាប់ផ្តើម​ពី​ថ្ងៃទី​ ​១៧​ ​ដល់​ ​២៧​ ​ខែកុម្ភៈ​ ​ឆ្នាំ២០១៩​ ​ខណៈ​ ​AFC​ ​U​-​23​ ​CHAMPIONSHIP​ ​Qualifiers​ ​Group​ ​H​ ​ចាប់ផ្តើម​ពី​ថ្ងៃទី​ ​២២​ ​ដល់​ ​២៦​ ​ខែ​មិនា​ ​ឆ្នាំ​ ​២០១៩​ ​ដែល​ការប្រកួត​ ​នឹង​ធ្វើឡើង​នា​ពហុ​កីឡដ្ឋាន​ជាតិ​អូឡាំពិក​កម្ពុជា​ ​។​
​AFF​ ​U22​ ​LG​ ​CUP​ ​ម្ចាស់ផ្ទះ​កម្ពុជា​ ​នឹង​ប្រកួត​ដោយ​ជួប​ក្រុម​ ​U22​ ​ម៉ាឡេស៊ី​មុនគេ​ ​នា​ថ្ងៃទី១៨​ ​ខែកុម្ភៈ​ខាងមុខ​ ​បន្ទាប់មក​គឺ​ក្រុម​ ​មីយ៉ាន់ម៉ា​ ​និង​ឥណ្ឌូ​នេ​ស៊ី​ ​។​ ​ចំណែក​ក្នុង​ពាន​ ​AFC​ ​U​-​23​ ​CHAMPIONSHIP​ ​ជម្រុះ​ក្នុង​ពូល​ ​ក្រុម​គោព្រៃ​កម្ពុជា​ ​ត្រូវ​ប៉ះ​ ​កូរ៉េ​ខាងត្បូង​,​ ​អូស្ត្រាលី​ ​និង​ ​ចិន​តៃប៉ិ​ក​ ​នា​កីឡដ្ឋាន​ជាតិ​ផង​ដែរ​ ​៕​

  • អត្ថបទទាក់ទង :
  • Featured
Loading...

ពេញនិយម