Connect with us

ស្ងាត់​ៗ​ ​ស្រាប់តែ​ភ្នាក់ងារ​ ​Arsenal​ ​ទៅដល់​ក្រុង​ ​Lisbon​ ​មើល​ការ​លេង​របស់​ខ្សែការពារ​ម្នាក់​ ​នៅ​ក្លិប​ ​Benfica​

ព័រទុយហ្គាល់​៖​ ​ភ្នាក់​ងា​របស់​ក្លិប​កាំភ្លើងធំ​ ​Arsenal​ ​ត្រូវ​បាន​រាយការណ៍​ថា​ ​បាន​ប្រទះឃើញ​នៅ​ទីក្រុង​ ​Lisbon​ ​ដើម្បី​ពិនិត្យមើល​ការ​លេង​របស់​ខ្សែការពារ​ឆ្វេង​ ​Alex​ ​Grimaldo​ ​នៅ​ក្លិប​ ​Benfica​ ​។​

​កីឡាករ​វ័យ​ ​២៣ឆ្នាំ​រូប​នេះ​ ​បាន​ក្លាយជា​កីឡាករ​ឆ្នើម​ប្រចាំ​ក្រុម​នៅ​លី​ហ្គ​ព័រទុយហ្គាល់​រដូវ​កាល​នេះ​ ​ដោយ​ស៊ុត​បញ្ចូល​ទី​បាន​ចំនួន​ ​៦គ្រាប់​ ​និង​បញ្ជួ​នបាល់​ឲ្យ​មិត្ត​រួម​ក្រុម​ ​៥ដង​ ​ក្នុង​ការ​បង្ហាញខ្លួន​ចំនួន​ ​២១លើក​ ​។​ ​

​បើ​យោង​តាម​កាសែត​ ​A​ ​Bola​ ​ក្នុង​ប្រទេស​ព័រទុយហ្គាល់​ ​បាន​ឲ្យដឹង​ថា​ ​Grimaldo​ ​គឺជា​គោលដៅ​រយៈពេល​វែង​របស់​ក្រុម​កាំភ្លើងធំ​ ​ចង់បាន​ ​។​ ​​បច្ចុប្បន្ន​ ​កីឡាករ​ ​Sead​ ​Kolašinac​ ​បាន​វិវត្ត​ខ្លួន​ក្លាយជា​ខ្សែបម្រើ​ដ៏​មានតម្លៃ​ ​ប៉ុន្តែ​មិន​រឹងមាំ​ក្នុង​ការ​ការពារ​នោះ​ទេ​ ​ខណៈ​ ​Nacho​ ​Monreal​ ​តែងតែ​រង​របួស​ ​និង​មាន​វ័យ​កាន់តែ​ចាស់​ថែមទៀត​ផង​នោះ​ ​Grimaldo​ ​នឹង​មានគុណ​សម្បតិ្ត​ចាំបាច់​ ​ដើម្បី​ក្លាយជា​ខ្សែ​ការ​ពារ​ដ៍​ល្អ​ក្រោម​ការដឹកនាំ​របស់​លោក​ ​Unai​ ​Emery​ ​ខណៈ​ពេល​ដែល​កីឡាករ​វ័យក្មេង​រូប​នេះ​ ​នៅ​មានឱកាស​ដើម្បី​អភិវឌ្ឍ​ខ្លួន​ ​៕​

ប្រភព៖ TrollKhmer

    Loading...

    ពេញនិយម