Di​ ​Maria​ ​ត្រូវ​បាន​អ្នកគាំទ្រ​ ​ManUtd​ ​ស្វាគមន៍​ដោយ​ដប​ស្រា​ ​និង​ដប​ទឹក​ ​ក្នុង​ការប្រកួត​នៅ​ ​Old​ ​Trafford​

អង់គ្លេស​៖​ ​Angel​ ​Di​ ​Maria​ ​ត្រូវ​បាន​ក្រុម​អ្នកគាំទ្រ​ ​ManUtd​ ​ស្វាគមន៍​ទាំង​ដប​ស្រា​ ​និង​ដប​ទឹក​ ​ពេល​វិល​ទៅកាន់​ទឹកដី​ ​Old​ ​Trafford​ ​សម្រាប់​ពានរង្វាន់​ ​Champions​ ​League​ ​វគ្គ១៦ក្រុម​ចុងក្រោយ​។​ ​
​ការ​វិល​ទៅកាន់​ ​Old​ ​Trafford​ ​លើកដំបូង​ក្នុងរយៈពេល​ ​៤ឆ្នាំ​ ​ក្រោយ​ការ​ចាកចេញ​ពីទី​នោះ​កាលពី​ឆ្នាំ២០១៥​ ​ទៅ​ចូលរួម​ជាមួយ​ ​PSG​ ​លើក​នេះ​ ​អ្នកគាំទ្រ​មិនបាន​ស្វាគមន៍​ខ្សែប្រយុទ្ធ​ស្លាប​សញ្ជាតិ​អាហ្សង់ទីន​ ​ដូចដែល​ពួកគេ​ស្វាគមន៍​ ​Ronaldo​ ​ឡើយ​ ​។​ ​ក្នុងនាម​ជា​ក្រុម​គូប្រជែង​ ​អ្វី​ដែល​កាន់តែ​ធ្វើឲ្យ​អ្នកគាំទ្រ​ក្ដៅចិត្ត​ថែមទៀត​នោះ​ ​គឺ​ ​គ្រាប់​បាល់​ជ័យជម្នះ​ទាំង២របស់​ ​PSG​ ​បង្កើត​ឱកាស​ដោយ​ ​Di​ ​Maria​ ​ទាំង​ ​២លើក​។​ ​
​នៅពេល​ដែល​ ​Di​ ​Maria​ ​ទៅ​ទាត់បាល់​ជ្រុង​ ​ក្រុម​អ្នកគាំទ្រ​បាន​ចោល​ដប​ស្រា​បៀរ​ទៅលើ​គាត់​ ​តែ​មិន​ត្រូវ​នោះ​ទេ​ ​។​ ​ឆ្លើយតប​នឹង​ការប្រមាថ​របស់​អ្នកគាំទ្រ​ ​អតីត​កីឡាករ​បិសាច​ក្រហម​រូប​នេះ​ ​បាន​រើស​ដប​ស្រា​ ​ហើយ​ធ្វើពុត​ជា​ផឹក​ឲ្យ​អ្នកគាំទ្រ​មើល​ ​។​ ​
​ដប​ទឹក​សុទ្ធ​មួយទៀត​ ​ដែល​មាន​ទឹក​ពេញ​ ​ក៏​ត្រូវ​បាន​គប់​សំដៅ​រក​គាត់​ ​មុន​ពេល​កីឡាករ​វ័យ​ ​៣០ឆ្នាំ​បញ្ជូន​បាល់​ឲ្យ​ ​Mbappe​ ​រក​គ្រាប់​បាល់​ទី២​ ​ឲ្យ​ ​PSG​ ​៕

ប្រភព៖ TrollKhmer​