Connect with us

ក្រុមហ៊ុន​ ​Huawei​ ​បាន​ចំណាយ​រហូតដល់​ ​២១ពាន់​លាន​ដុល្លារ​ ​ដើម្បី​ទិញ​បន្ទះ​ឈី​បនៅ​ឆ្នាំ២០១៨​

ប្រទេស​ចិន​ ​៖​ ​ក្រុមហ៊ុន​យក្ស​ ​Huawei​ ​បាន​ចំណាយ​រហូតដល់​ ​២១ពាន់​លាន​ដុល្លារ​ ​ដើម្បី​ទិញ​បន្ទះ​ឈី​បកា​លពី​ឆ្នាំ​ ​២០១៨​ ​និង​បាន​ក្លាយជា​អ្នកទិញ​បន្ទះ​ឈីប​ ​(​Chip​)​ ​ធំ​បំផុត​ ​លំដាប់​លេខ​បី​នៅ​លើ​ពិភពលោក​ ​។​

បើ​តាម​ការ​ចេញផ្សាយ​ដោយ​ទីភ្នាក់ងារព័ត៌មាន​ចិន​ស៊ីន​ហួរ​ ​នា​រសៀល​ថ្ងៃទី១៣​ ​ខែកុម្ភៈ​ ​ឆ្នាំ២០១៩នេះ​ ​នេះ​ ​បាន​បង្ហាញ​ពី​តួលេខ​ ​ដែល​ទើបត្រូវ​បាន​បញ្ចេញ​ ​ធ្វើអោយ​ ​ក្រុមហ៊ុន​ ​Huaweiបាន​ឈរ​នៅ​លេខរៀង​ទី​ ​៣​ ​ស្មើនឹង​ ​៤.៤ភាគរយ​នៃ​ទីផ្សារ​បន្ទះ​ឈី​ប​សកលលោក​ ​។​ ​ដោយសារតែ​ឆ្នាំមុន​នេះ​ ​Huawei​ ​បាន​បង្កើន​ការ​ទិញ​ឈីប​ ​រហូតដល់​ ​៤៥.២ភាគរយ​លើស​ឆ្នាំ២០១៧​ ​នោះ​ទើប​ក្រុមហ៊ុន​ចិន​ ​ដ៏​ធំ​លំដាប់​ពិភពលោក​នេះ​ ​អាច​លោតរំលង​ ​Dell​ ​និង​ ​Lenovo​ ​ឡើង​មក​ឈរ​លេខ​ ​៣​ ​តែម្តង​ ​ដោយ​ស្ថិត​ក្រោម​ក្រុមហ៊ុន​ ​Samsung​ ​ដែល​ឈរ​លេខ​ ​១​ ​និង​ ​Apple​ ​ឈរ​នៅ​លេខ​ ​២​ ​។​
​ក្រៅពី​ ​Huawei​ ​ក្រុមហ៊ុន​ចិន​មួយចំនួន​ទៀត​ដូចជា​ ​Xiaomi​,​ ​BBK​ ​Electronic​ ​និង​ ​Lenovo​ ​គឺ​ស្ថិតនៅ​ក្នុង​កំពូល​លេខរៀង​ទាំង​ ​១០​ ​ដែល​បាន​ទិញ​បន្ទះ​ឈី​ប​ច្រើន​បំផុត​នៅ​លើស​កល​លោក​កាលពី​ឆ្នាំ២០១៨​ ​ហើយ​ចំណែក​ទីផ្សារ​បន្ទះ​ឈី​បនៃ​ក្រុមហ៊ុន​ទាំងនេះ​ ​បាន​លោត​ដល់​ ​៤០.២ភាគរយ​នៅ​ឆ្នាំ២០១៨​ ​ធៀប​នឹង​ ​៣៩.៤ភាគរយ​ ​កាលពី​ឆ្នាំ២០១៧​។​


​គួរ​បញ្ជាក់​ថា​ ​ក្រៅពី​ការ​ចំណាយ​លើ​ការទិញ​បន្ទះ​ឈី​ប​យ៉ាងច្រើន​នោះ​ ​នៅក្នុង​ឆ្នាំ២០១៨​ ​Huawei​ ​បាន​លក់​កើប​លុយ​មកវិញ​នូវ​ស្មា​ត​ហ្វូ​នរ​ហូត​ដល់​ ​៣០លាន​គ្រឿង​នៅ​ប្រទេស​ចិន​តែមួយ​ប៉ុណ្ណោះ​ ​(​កើន​លើស​ឆ្នាំ២០១៧​ ​២៣.៣ភាគរយ​)​ ​ដោយ​ឈរ​នៅ​លេខរៀង​ទី​ ​១​ ​ស្មើនឹង​ចំណែក​ទីផ្សារ​ ​២៩ភាគរយ​ ​ខណៈ​ក្រុមហ៊ុន​ ​Oppo​ ​ឈរ​នៅ​លេខ​ ​២​ ​លក់​បាន​ ​២០.៣លាន​គ្រឿង​ជាមួយ​ចំណែក​ទីផ្សារ​ ​១៩.៦ភាគរយ​ ​និង​ ​Vivo​ ​លេខរៀង​ទី​ ​៣​ ​មាន​ចំណែក​ទីផ្សារ​ ​១៨.៨ភាគរយ​ ​។​ ​ដោយឡែក​ ​iPhone​ ​របស់​ ​Apple​ ​បាន​ធ្លាក់​ចំណែក​ទីផ្សារ​មក​នៅ​ត្រឹម​ ​១១.៥ប៉ុណ្ណោះ​នៅក្នុង​ប្រទេស​ចិន​ ​៕​

    Loading...

    ពេញនិយម