Connect with us

អគ្គនាយក​ដ្ឋាន​អន្តោប្រវេសន៍​ ​កោះហៅ​មន្រ្តី​ច្រកព្រំដែន​ប៉ោយប៉ែត​ ​មក​សាកសួរ​រឿង​ទារប្រាក់​ក្រៅផ្លូវការ​

ភ្នំពេញ​ ​៖​ ​អគ្គនាយក​ដ្ឋាន​អន្តោប្រវេសន៍​ ​ក្រសួងមហាផ្ទៃ​ ​បាន​ធ្វើការ​កោះហៅ​មន្រ្តី​ទទួលខុសត្រូវ​ច្រក​ទ្វារ​ព្រំដែន​អន្តរជាតិ​ប៉ោយប៉ែត​ ​ខេត្ត​បន្ទាយមានជ័យ​ ​មក​ធ្វើ​សាកសួរ​ ​និង​កំពុង​ចាត់វិធានការ​ស្រាវជ្រាវ​ចំពោះ​ករណី​ទាមទារ​ប្រាក់​ក្រៅផ្លូវការ​ ​។​ ​
​តាមរយៈ​បណ្តាញ​ទំនាក់ទំនង​ផ្លូវការ​ ​នៅ​ថ្ងៃទី១៤​ ​កុម្ភៈ​នេះ​ ​អគ្គនាយក​ដ្ឋាន​អន្តោប្រវេសន៍​បាន​សរសេរ​ឲ្យដឹង​ថា​ ​ក្នុងរយៈពេល​ប៉ុន្មាន​ថ្ងៃ​កន្លងមក​នេះ​ ​មាន​បណ្ដាញ​សារព័ត៌មាន​ ​និង​ ​បណ្ដាញ​ទំនាក់ទំនង​សង្គម​ ​បាន​លើកឡើង​ ​អំពី​បញ្ហា​មិន​ប្រក្រតី​របស់​មន្រ្តី​នគរបាល​នៅ​ច្រក​ទ្វារ​អន្តរជាតិ​ប៉ោយប៉ែត​ ​ដោយមាន​ការ​អះអាង​ថា​ ​មន្រ្តី​មួយចំនួន​ ​បាន​ទាមទារ​ប្រាក់​ក្រៅផ្លូវការ​ ​ជា​ថ្នូរ​នឹង​ការ​បំពេញ​ឯកសារ​លើ​លិខិតឆ្លងដែន​ចេញ​-​ចូល​ប្រទេស​ថៃ​។​
​អគ្គនាយក​ដ្ឋាន​អន្តោប្រវេសន៍​ដែល​កំពុង​ដឹកនាំ​ដោយ​នាយ​ឧត្តមសេនីយ៍​ ​គៀត​ ​ច័ន្ទ​ថា​រិទ្ធ​ ​បាន​អះអាង​ថា​ ​ក្រោយពី​បាន​ទទួល​ព័ត៌មាន​ទាំងនេះ​ ​អគ្គនាយក​ដ្ឋាន​ ​បាន​ធ្វើការ​កោះហៅ​មន្រ្តី​ទទួលខុសត្រូវ​ច្រក​ទ្វារ​ព្រំដែន​ ​មក​សាកសួរ​ ​និង​ ​កំពុង​ចាត់វិធានការ​ស្រាវជ្រាវ​ចំពោះ​ករណីនេះ​ ​យ៉ាង​យកចិត្ត​ទុកដាក់​បំផុត​ ​។​
​អគ្គនាយក​ដ្ឋាន​អន្តោប្រវេសន៍​ ​សន្យា​ថា​ ​នឹង​ជម្រាប​ជូន​សាធារណជន​ឲ្យបាន​ច្បាស់លាស់​ ​ពាក់ព័ន្ធ​ករណីនេះ​ ​ក្នុង​ពេល​ឆាប់​ៗ​ខាងមុខនេះ​ ​។​ ​
​គួរ​រំលឹក​ថា​ ​នៅ​ពេល​ថ្មី​ៗ​នេះ​ ​បណ្តាញ​ផ្សព្វផ្សាយ​មួយចំនួន​ ​បាន​រាយការណ៍​ថា​ ​លោក​វរសេនីយ៍ទោ​ ​ឃឹម​ ​ចិ​ត្រា​ ​នាយ​ប៉ុស្តិ៍​នគរបាល​អន្តោប្រវេសន៍​ថ្មី​ ​ប្រចាំ​ច្រក​ទ្វារ​អន្តរជាតិ​ប៉ោយប៉ែត​ ​បាន​រង​ការចោទប្រកាន់​ពី​បទ​ជម្រិត​ទារប្រាក់​ពលករ​ ​និង​ប្រព្រឹត្ត​អំពើពុករលួយ​ ​៕​

នាយឧត្តមសេនីយ៍​ គៀត​ ច័ន្ទថារិទ្ធ​

លោក ខឹម ចិ​ត្រា មេ​នគរបាល​អន្តោប្រវេសន៍​ច្រកទ្វារ​អន្តរជាតិ​ប៉ោយប៉ែត

  • អត្ថបទទាក់ទង :
  • Featured
Loading...

ពេញនិយម