Connect with us

តោះ​មក​ដឹងពី​តម្លៃ​កាមេរ៉ា​ ​ដែល​បម្រើការ​ផ្សាយ​ផ្ទាល់​ព្រឹត្តិ​ការណ៍​បាល់ទាត់​ពានរង្វាន់​ ​AFF​ ​U22​ ​Championship​ ​2019​

ភ្នំពេញ​ ​៖​ ​ឆ្លងកាត់​ការប្រកួត​ដំបូង​ក្នុង​វគ្គ​វិល​ជុំ​សន្សំ​ពិន្ទុ​ ​សម្រាប់​ពូល​ ​A​ ​និង​ ​ពូល​ ​B​ ​កាលពី​ថ្ងៃទី​ ​១៧​ ​និង​ទី១៨​ ​ខែកុម្ភៈ​កន្លងទៅ​នេះ​ ​ទស្សនិកជន​ ​ដែល​បាន​តាមដាន​ការផ្សាយ​ផ្ទាល់​តាមរយៈ​កញ្ចក់​ទូរទស្សន៍​ ​CTN​ ​និង​ ​MyTV​ ​បាន​កោត​សសើរ​ចំពោះ​រូបភាព​នៃ​ការផ្សាយ​ផ្ទាល់​ ​ដោយ​និយាយ​ថា​ ​មានគុណ​ភាព​ច្បាស់​ល្អ​ ​និង​ ​ត្រជាក់​ភ្នែក​។​ ​
​ទាក់ទិន​នឹង​បញ្ហា​នេះ​ ​បើ​តាម​ប្រធាន​បច្ចេកទេស​ទទួលបន្ទុក​ក្នុង​ការផ្សាយ​ផ្ទាល់​ ​បាន​អោយ​ដឹង​ថា​ ​សម្រាប់​ព្រឹត្តិ​ការណ៍​ប្រកួត​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​ដែល​កម្ពុជា​ ​ទទួល​បាន​ធ្វើជា​ម្ចាស់ផ្ទះ​ ​ហើយ​ស្ថានីយ​ទូរទស្សន៍​ ​MyTV​ ​និង​ ​CTN​ ​ទទួល​បាន​សិទ្ធ​ផ្សាយ​ផ្ទាល់​នេះ​ ​គឺ​មានការ​ប្រើប្រាស់​កា​មេ​រ៉ា​ទំនើប​ៗ​ ​Full​ ​HD​ ​រហូតដល់​ទៅ​ ​១០គ្រឿង​ ​និង​ ​ការ​បំពាក់​ ​Field Box Lens​ ​ចំនួន​ ​២បន្ថែម​ទៀត​ ​។​ ​
​បើ​តាម​ប្រធាន​បច្ចេកទេស​ ​កាមេរ៉ា​ចំនួន​ ​១០គ្រឿង​ដែល​បាន​បំពាក់​សម្រាប់​បម្រើការ​ផ្សាយ​នេះ​មានតម្លៃ​សរុប​រហូត​ទៅដល់​ជាង​ ​៥២​ ​ម៉ឺន​ដុល្លារ​ ​និង​ ​ដោយឡែក​ ​សម្រាប់​ ​Box​ ​Lens​ ​Canon​ ​Digi​ ​Super​ ​100x​ ​និង​ ​Box​ ​Lens​ ​Canon​ ​Digi​ ​Super​ ​76x​ ​ដែល​បាន​បំពាក់​ ​ជាពិសេស​សម្រាប់​ចាប់​យក​ប្លង់​ជិត​នោះ​ ​មានតម្លៃ​សរុប​ជាង២៥ម៉ឺន​ដុល្លារ​ ​គិត​តាម​តម្លៃ​ទីផ្សារ​បច្ចុប្បន្ន​ ​។​ ​ដូចនេះ​ ​សរុប​កាមេរ៉ា​ ​និង​ ​Lenses​ ​ដែល​ត្រូវ​បាន​បំពាក់​សម្រាប់​បម្រើ​អោយ​ការផ្សាយ​ផ្ទាល់​នេះ​ ​មានតម្លៃ​ជាង​ ​៧៧ម៉ឺន​ដុល្លារ​អាមេរិក​ ​ដោយ​មិនទាន់​គិត​ពី​ឧបករណ៍​គាំទ្រ​ផេ្សង​ទៀត​នៅឡើយ​នោះ​ទេ​។​
​ប្រធាន​បច្ចេកទេស​ ​ក៏បាន​អោយ​ដឹងផង​ដែរ​ថា​ ​ការ​បំពាក់​កាមេរ៉ា​ ​និង​ ​Lens​ ​ដែល​ទំនើប​ៗ​នេះ​ ​គឺ​ដើម្បី​ធ្វើ​យ៉ាងណា​អោយ​ការផ្សាយ​ផ្ទាល់​នេះ​ ​ផ្តល់​នូវ​រូបភាព​ច្បាស់​ ​ត្រជាក់​ភ្នែក​សម្រាប់​ទស្សនិកជន​ ​ដែល​ទស្សនា​នៅ​តាម​គេហដ្ឋាន​ ​ក៏ដូចជា​តាម​បណ្តាញ​ទំនាក់ទំនង​ផ្លូវការ​របស់​សហព័ន្ធ​កីឡាបាល់ទាត់​កម្ពុជា​ ​។​ ​ទន្ទឹមគ្នា​នេះ​ ​ក៏​ដើម្បី​ជួយ​ផ្សព្វផ្សាយ​ពី​ការអភិវឌ្ឍន៍​នៃ​វិស័យ​កីឡាបាល់ទាត់​កម្ពុជា​ ​ទៅ​ឆាក​អន្តរជាតិ​ ​ដោយសារតែ​ការផ្សាយ​ផ្ទាល់​នេះ​ ​ក៏​មានការ​យក​ទៅ​ផ្សាយបន្តផ្ទាល់​នៅ​តាម​កញ្ចក់​ទូរទស្សន៍​នៃ​បណ្តា​ប្រទេស​ដែល​បាន​បញ្ជូន​ក្រុមកីឡា​បាល់ទាត់​មក​ចូលរួម​ប្រកួត​ក្នុង​ព្រឹត្តិ​ការណ៍​ប្រកួត​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​នេះ​ផង​ដែរ​ ​។​ ​
​ក្រៅពី​ផ្សាយ​ផ្ទាល់​ព្រឹត្តិ​ការណ៍​ប្រកួត​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​ឧបករណ៍​ទំនើប​ទាំងអស់​នេះ​ ​ក៏​នឹង​បម្រើ​ដល់​ការផ្សាយ​ផ្ទាល់​ព្រឹត្តិ​ការណ៍​បាល់ទាត់​ ​AFC​ ​U23​ ​CHAMPIONSHIP​ ​Qualifiers​ ​Group​ ​H​ ​ដែល​នឹង​ចាប់ផ្តើម​ពី​ថ្ងៃទី​ ​២២​ ​ដល់​ ​២៦​ ​ខែ​មិនា​ ​ឆ្នាំ​ ​២០១៩​ ​ដែល​ការប្រកួត​ ​នឹង​ធ្វើឡើង​នា​ពហុ​កីឡដ្ឋាន​ជាតិ​អូឡាំពិក​កម្ពុជា​ ​។​
​ស្ថានីយ​ទូរទស្សន៍​ ​MyTV​ ​និង​ ​CTN​ ​សូម​សម្តែង​នូវ​ការ​អរគុណ​ចំពោះ​ការ​គាំទ្រ​ ​និង​លើកទឹកចិត្ត​ ​ពីសំណាក់​ទស្សនិកជន​កម្ពុជា​ ​សម្រាប់​ការផ្សាយ​ផ្ទាល់​ព្រឹត្តិ​ការណ៍​បាល់ទាត់​ ​ដែល​កម្ពុជា​ ​ធ្វើជា​ម្ចាស់ផ្ទះ​នេះ​ ​។​ ​ជាមួយគ្នា​នេះ​ ​ស្ថានីយ​ទូរទស្សន៍​ ​MyTV​ ​និង​ ​CTN​ ​ក៏​សូម​ធ្វើការ​អភ័យទោស​ប្រសិនបើ​មាន​កំហុសឆ្គង​អចេតនា​ណាមួយ​កើតឡើង​ ​ក្នុងអំឡុងពេល​នៃ​ការផ្សាយ​ផ្ទាល់​នេះ​ ​៕​

Loading...

ពេញនិយម