Connect with us

អបអរសាទរ​!​ ​ក្រុម​ ​U22​ ​វៀតណាម​ ​ជា​ក្រុម​ទី២​ ​ដែល​ឡើង​ទៅ​វគ្គ​ ​១​/​៤​ ​ក្រោយ​ទទួល​ជ័យជម្នះ​លើ​ក្រុម​ទីម័រខាងកើត​ ​៤​ ​ទល់នឹង​សូន្យ​

ភ្នំពេញ​ ​៖​ ​ទីបំផុត​ ​ក្រុម​ ​U22​ ​របស់​វៀតណាម​ ​បាន​កក់​កៅអី​នៅ​វគ្គ​ ​១​/​៤​ ​នៃ​ព្រឹត្តិ​ការណ៍​ប្រកួត​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​ក្រោយ​យកជ័យ​ជម្នះ​ ​ក្នុង​លទ្ធផល​ ​៤​ ​ទល់នឹង​សូន្យ​ ​ទៅលើ​ក្រុម​ ​U22​ ​របស់​ទីម័រខាងកើត​ ​។​ ​

​ក្រុមបាល់ទាត់​ជម្រើសជាតិ​អាយុ​ក្រោម​ ​២២ឆ្នាំ​ ​វៀតណាម​ ​បាន​បើក​ការប្រកួត​យ៉ាង​ស្វិតស្វាញ​ ​ដោយ​ចាប់ផ្តើម​ពី​ម៉ោង​ ​១៨​ ​និង​ ​៣០នាទី​ ​នា​ពហុ​កីឡដ្ឋាន​ជាតិ​អូ​ឡា​ពិ​ក​ ​ដោយ​ក្នុង​នោះ​ ​តង់​ទី១​ ​ក្រុម​ ​U22​ ​វៀតណាម​ ​ស៊ុត​បាល់​បញ្ជូល​ទី​ក្រុម​ទីម័រខាងកើត​ ​ចំនួន​ ​១គ្រាប់​ ​នៅ​នាទី​ទី៤០​ ​ដោយ​កីឡាករ​ ​Danh​ ​Trung​ ​Trang​ ​ ​។​ ​

​ដោយឡែក​ ​នៅ​តង់​ទី២​ ​ក្រោយ​ការប្រកួត​ដ៏​ស្វិតស្វាញ​បន្ថែម​ទៀត​ ​ក្រុម​ ​U22​ ​របស់​វៀតណាម​ ​បាន​ស៊ុត​បញ្ជូល​ទី​គ្រាប់​ទី២​ ​នៅ​នាទី​ទី៦២​ ​ដោយ​កីឡាករ​ ​Danh​ ​Trung​ ​Tran​ ​ដដែល​ ​ខណ:គ្រាប់​ទី៣​ ​រកបាន​នៅ​នាទី​ទី៨២​ ​ដោយ​កីឡាករ​ ​Phan​ ​Thanh​ ​Hua​ ​និង​ ​គ្រាប់​ទី៤​ ​នៅ​នាទី​ទី​ ​៩០បូក​ ​ដោយ​កីឡាករ​ ​Le​ ​Xuan​ ​To​ ​។​ ​ចប់​ការប្រកួត​ ​ក្រុម​ ​U22​ ​វៀតណាម​ ​បាន​ឈ្នះ​ក្រុម​ទីម័រខាងកើត​ ​ដោយ​លទ្ធផល​ ​៤​ ​ទល់នឹង​សូន្យ​ ​ដែល​ផ្តល់​កៅអី​អោយ​វៀតណាម​ ​ក្នុង​ការ​ឆ្លង​ចូល​ទៅកាន់​វគ្គ​ ​១​/​៤​ ​បន្ទាប់​ទៀត​ ​។​

​សម្រាប់​ពូល​ ​A​ ​នេះ​ ​បាន​រក​ឃើញ​ក្រុម​ចំនួន២ហើយ​ ​ដែល​ឡើង​ទៅ​វគ្គ១​/​៤​ ​ក្នុង​នោះ​រួមមាន​ក្រុម​ ​U22​ ​ថៃ​ ​ដែល​បាន​ឈ្នះ២ប្រកួត​ ​និង​ ​ក្រុម​វៀតណាម​ ​បាន​ឈ្នះ២ប្រកួត​ ​មាន​ ​៦ពិន្ទុ​ដូចគ្នា​ ​។​

​សម្រាប់​ការប្រកួត​បន្ទាប់​ ​ក្រុមបាល់ទាត់​ថៃ​ ​នឹង​ជួប​ជាមួយ​ក្រុម​វៀតណាម​ ​ខណៈ​ដែល​ក្រុម​ហ្វីលីពីន​ ​នឹង​ត្រូវ​ប្រកួត​បង្គ្រប់​កិច្ច​ជាមួយ​ក្រុម​ទីម័រខាងកើត​ ​នៅ​ថ្ងៃទី​ ​២១​ ​ខែកុម្ភៈ​ ​ឆ្នាំ២០១៩​។​ ​

  

Loading...

ពេញនិយម